Mathae 12:27 - Santali Common Language New Testament

²⁷ Iń do Beelsebul hotete bhutkoń oḍok giḍiyetʼko khan aperen hoṛko do okoe hoteteko oḍokketʼkoa? Onate ṭhikpe meneda se baṅ, ona do aperen hoṛgeko bicạra.

সান্তালী বাইবেল

²⁷ Iń do Beelsebul hotete bhutkoń oḍok giḍiyetʼko khan aperen hoṛko do okoe hoteteko oḍoketʼkoa? Onate ṭhikpe meneda se baṅ, ona do aperen hoṛgeko bicạra.

Mathae 12:27 Referans Kwoze

Romiko lạgitʼ Pạul Apostolakʼ ciṭhi 3:19

Baḍaegea bon Moseakʼ ạn do onko lạgitʼge one okoe do ona ạn gobolre menakʼko. Onate Jihudi ar boṅgan hoṛ jạtrenko okoe hõ jãhãnakʼ mementeakʼ do bạnukʼtakoa, sanam manwage Isor samaṅreko dusigea.

Luk 11:19

Ar ińge, Beelsebul hoteteń oḍok giḍiyetʼko khan aperen hoṛko do okoe hotete bhutkoko oḍok giḍiyetʼkoa? Ar ṭhik kathape roṛeda se baṅ ona do aperen hoṛkoge bicạra.

Luk 19:22

“Unre raje menkeda, ‘Eya bạṛicʼ golam! Amakʼ moca reakʼ kathatege am doń bicạrmea. Am mam baḍaekan tahẽkange, iń doń kuṭhin hoṛ kana; okaṭakʼ bạń dohoakatʼ onań hataoeda ar okaṭakʼ bạń erletʼ onań ireda.

Mathae 4:24

Uniakʼ katha do Siriạ disạm reakʼ sanam jaegakore pasnao idiyena. Ar hoṛko do ạḍi lekan rog bighinte sasetokʼkanko, bhut capaṛ akatʼko, mirgi ar mitʼ kaṛ gocʼ rogteko jạbun akanko Jisu ṭhenko ạguketʼkoa. Ar uni do onko sanamkoe bogeketʼkoa.

Mathae 9:34

Unre Phạrusikoko menkeda, “Bhutkoren sordar hotete uni do bhutkoe oḍok giḍiyetʼkoa.”

Mathae 10:25

Cela lạgitʼ do niạge ḍhera acʼren guru lekae hoyokʼ ar golam hõ acʼren kisạ̃ṛ leka. Oṛakʼren kisạ̃ṛge Beelsebulko metaekan khan gharońjrenko do tinạkʼ artetʼgeko metakoa.