Mathae 12:18 - Santali Common Language New Testament

¹⁸ Ńelpe, ińren guti one uniń bachao akade, unige ińren dulạṛiạ, one unireń kusi akan. Ińren Jiu do unireń dohoyea, uni do boṅgan hoṛ jạtrenko ṭhen hok reakʼ bicạre lại jạhira.

সান্তালী বাইবেল

¹⁸ Ńelpe, ińren guti one uniń bachao akade, unige ińren dulạṛiạ, one unireń kusi akan. Ińren Jiu do unireń dohoyea, uni do boṅgan hoṛ jạtrenko ṭhen hok reakʼ bicạre lại jạhira.

Mathae 12:18 Referans Kwoze

Luk 4:18

“Probhuren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Ar bondi akanko ṭhen chaḍaoko reakʼ katha, kãṛã hoṛko ṭhen ńeńel reakʼ katha baḍae ocoko lạgitʼ uni doe kolakadińạ. Ar khed ocokʼkanko hõ, chaḍaoko lạgitʼe kolkedeńa.

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Johan 3:34

Isor okoeye kolakade uni do Isorakʼ kathageye roṛa, ente Isor do sonot Jiu soṅkate bae emekana.

1 Patras 2:4

Nonkan mitʼṭen jiwetʼ dhiri menakʼa one okaṭakʼ do Isore bachao akawan ar okaṭakʼ do uniakʼ mẽtʼre ạḍi damanakʼkan, menkhan hoṛko do uniko neṅghao akadea. Mạsigeye hoyokʼ kana ona dhiri do;

2 Patras 1:17

“Nuige ińren dulạṛiạ Hopon, one unireń kusi akan,” Serma khon roṛlen noa kathate Mạsi do Isor Baba ṭhen khon man ar ṭhonoke ńamleda.

Kolossiko lạgitʼ Pạul Apostolakʼ ciṭhi 1:13

Ente uni do ńut reakʼ rajosṭi khone bańcaoketʼbonte acʼren dulạṛiạ Hoponakʼ rajosṭiteye ucạṛ ạguketʼbona.

Kolossiko lạgitʼ Pạul Apostolakʼ ciṭhi 1:1

Iń Pạul do Isorakʼ sanate Jisu Mạsiren mitʼṭen apostoliń hoeakana. Kolossiạ nagrahare okoe doko Isorren hoṛkan ar Mạsire mitʼakan biswạsi boehakanko, onko ṭhen iń ar Timothi do noa ciṭhi liń oleda. Aboren Baba Isor do daya ar suluke dan apema.

Ephesiko lạgitʼ Pạul Apostolakʼ ciṭhi 1:6

Uni doe nonkaleda jemon acʼren dulạṛiạ Hopon hotete begor damte oka mạhimate perecʼ dayae dan akatʼbon uniakʼ sarhao hoyokʼtae.

Aposkạmi 14:27

Ado Antiokiạtekin seṭeren khan unkin do manḍerren sanamko mitʼ ṭhenkin jarwaketʼkoa ar Isor ạkin hotete okakoe kạmiketʼ ona sanamakʼ kin lạiatʼkoa. Ar cetʼlekate Isor do boṅgan hoṛ jạtrenko Mạsire biswạs reakʼ duạre jhicʼ akawatʼko ona reakʼ hõkin lạiatʼkoa.

Aposkạmi 11:18

Noa katha ańjomkate Jihudạren biswạsiko do begor ạnḍuṅte Isor sarhaoateko menkeda, “Isor do boṅgan hoṛ jạtrenko hõ kại khon mon ạcurkate jion ńam lạgitʼ ạte em akatʼkoa.”

Luk 23:35

Ar hoṛko do teṅgokateko ńeńelkan tahẽkana. Sostor baḍaeko do Jisu siṛogadeteko menkeda, “Uni ma eṭakʼkoe bańcaoetʼko tahẽkan. Uni do Mạsi, Isorren bachaoicʼ kanae menkhan; acʼ baṛeye bańcaokʼma!”

Luk 9:35

Ona rimil khon noa katha ańjomena, “Nuige ińren Hopon do, one uniń bachao akade; ape do uniakʼ ańjomtaepe.”

Luk 3:22

Ar sonot Jiu do parwa leka uni cetanreye pheḍ hecʼena, ar serma khon noa katha ańjomena, “Amge ińren dulạṛiạ Hopon, iń do amreń kusi akana.”

Mark 9:7

Ar ona jokhecʼ mitʼṭen rimil do rakapʼ hecʼente onkoe umul esetʼketʼkoa, ar ona rimil khon noa katha ańjomena, “Nuige ińren dulạṛiạ Hopon, nuiakʼ ańjomtaepe.”

Mark 1:11

Unre serma khon mitʼṭen aṛaṅ ańjomena, “Amge ińren dulạṛiạ Hopon, iń do amreń kusi akana.”

Mathae 17:5

Ado Patras kathae roroṛkan tahẽkanrege mitʼṭen jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniakʼ ańjomtaepe.”

Mathae 12:17

Noa do hoeyena Jesaea nạbi hotete roṛlenakʼ katha jemon purạukʼ: