Mathae 11:29 - Santali Common Language New Testament

²⁹ Ińakʼ ãrãṛ gogpe ar iń ṭhen khon cetʼ joṅpe, ente iń do mạ̃hir ariń nindhạngea.

সান্তালী বাইবেল

²⁹ Ińakʼ arãṛ gogpe ar iń ṭhen khon cetʼ joṅpe, ente iń do mạ̃hir ariń nindhạngea.

Mathae 11:29 Referans Kwoze

1 Johan 2:6

Noa hotetege bon baḍae daṛeakʼa, abo do uni tulucʼ jopoṛao menakʼ bona mente.

Johan 13:15

Iń do noań udukʼ atʼpea jemon apere cetʼlekań cekaketʼ ape hõpe onkae.

Mathae 7:24

“Onateń metapekana, jãhãege noako kathae ańjom ar ona lekae calakʼ uni do nonkan budan hoṛ kanae, okoe do dhiri cetanre oṛakʼe benaoketʼ.

Ibriko 5:9

Nonkate tinreye sạbit ocoyena unre acʼakʼko bataotae sanamko lạgitʼ jaejug bańcaokʼ reakʼ hore hoyena.

2 Korinthiko 10:1

Mạsiakʼ mạ̃hir ar daya reakʼ katha disại tulucʼ iń Pạul do apeń nehõrape kana. Hoṛko mena, ape ṭhen tinreń tahen unre doń nindhạnokʼ kana, menkhan tinre bạń tahen unre do dilanicʼ iń hoyokʼ kana.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Philipiko lạgitʼ Pạul apostolakʼ ciṭhi 2:5

Jisu Mạsiakʼ oka monsubạ tahẽkan apeakʼ ontorre hõ ona jemon tahen.

Mathae 21:5

“Sionren hoponera metaepe, ńelme amren raj do am ṭhene darae kana; uni do mạ̃hir ar gadhare decʼakan; ar mitʼṭen gadha hopon, ladhna janwar hoponre.”

2 Korinthiko 10:5

Ale do manwawakʼ eṛeakʼle nosṭoyeda ar Isor baḍaeye horre tạkicʼakʼ leka oka hudis bundisko usulokʼe menjoṅ onale dhaṅ dhasereda; ar mon reakʼ mimitʼ hudis bundisko Mạsi ṭhenle gobol ocoyeda.

1 Thessalonikikko 4:2

Probhu Jisu ṭhen khon ạidạri ńamkate okakole hukum akawatʼpe ona dope baḍaegea.

Johan 13:17

Noako baḍaekate onako lekape kạmile khan enḍekhan ape dope bhạgangea.

Mathae 17:5

Ado Patras kathae roroṛkan tahẽkanrege mitʼṭen jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniakʼ ańjomtaepe.”

1 Korinthiko 9:21

Arhõ okoe ạn-tạri bahrere menakʼko onko labko lạgitʼ iń do ạn-tạri bahreren hoṛ lekań hoeakana. Onate Isorakʼ ạn bahrere minạńa ona do baṅ; iń do Mạisakʼ ạn taberege minạńa.

Aposkạmi 7:37

Nui kangea uni Mose one okoe do Israelkoe metatʼko tahẽkan, ‘aperen Isor do aperen Israel boehako mod khon iń lekanicʼ mitʼṭen nạbiye teṅgoapea.’

Luk 8:35

Unre hoṛko do cetʼ hoeakana mente ńel lạgitʼ bahreteko oḍok hecʼena. Ado Jisu ṭhenko seṭeren khan bhut capaṛ akawade hoṛ do kicricʼ horokʼ akatʼ ar mạ̃hir monte Jisuakʼ jaṅga ṭhen duṛupʼ akanko ńelkedea. Noa ńelte onko do botor caṛhaoatʼkoa.