Mathae 11:18 - Santali Common Language New Testament

¹⁸ Johan do hecʼkate jom hõ bae jometʼ tahẽkana ar ńũ hõ bae ńũyetʼ tahẽkana, onate hoṛko meneda unire do bhut menaea.

সান্তালী বাইবেল

¹⁸ Johan do hecʼkate jom hõ bae jometʼ tahẽkana ar ńũ hõ bae ńũiyetʼ tahẽkana, onate hoṛko meneda unire do bhut menaea.

Mathae 11:18 Referans Kwoze

Luk 1:15

Ente Probhuakʼ mẽtʼãhã samaṅre uni do maraṅe hoyokʼa. Uni do tishõ darkha rasa se eṭakʼ jãhãn bubulakʼko bae ńũiya ar eṅgatakʼ kukhire tahen khonge sonot Jiuteye perejokʼa.

Mathae 3:4

Johan do ũṭ upʼ reakʼ aṅgrop ar ḍanḍare harta reakʼ paṭheakʼ tahẽkantaea. Uni do pohoko ar bir dumur rasae jometʼkan tahẽkana.

Johan 10:20

Onko modren ḍher hoṛko menkeda, “Unire do bhut menaea, uni doe bạulạha akana; cedakʼ uniakʼ katha dope ańjometʼtaea?”

Johan 8:48

Unre Jihudi mukhiạko do Jisuko metadea, “Ale do cetʼ ṭhik kathage bale meneda baṅma, am dom Samariạ kana ar amre do bhut menaea mente?”

Johan 7:20

Onkoko roṛ ruạṛadea, “Amre do bhut menaea; okoe am gocʼme lạgitʼ doe kurumuṭu kana?”

Mathae 10:25

Cela lạgitʼ do niạge ḍhera acʼren guru lekae hoyokʼ ar golam hõ acʼren kisạ̃ṛ leka. Oṛakʼren kisạ̃ṛge Beelsebulko metaekan khan gharońjrenko do tinạkʼ artetʼgeko metakoa.

1 Korinthiko 9:27

Iń do bickom hoṛmoń kuhạu gaṅetʼtińạ ar golam akae iń dohoyeda, jemon eṭakʼko ṭhen bhage sombat porcar tayom ińakʼ kuṛại ńam lạgitʼ belek bạń hoyokʼ.

Aposkạmi 26:24

Ado Pạul nonkae roṛ dogokʼkan tahẽkanre Phestus do tạkicʼ daramkedete ãṭ aṛaṅteye menkeda, “E Pạul, am dom pagla akana. Ente ḍher bidiyạm hameṭ akada ar ona bidiyạgeye pagla oco akatʼmea.”

Mathae 9:34

Unre Phạrusikoko menkeda, “Bhutkoren sordar hotete uni do bhutkoe oḍok giḍiyetʼkoa.”

Mathae 11:17

‘ale do ape lạgitʼ tiriole oroṅkeda, menkhan bape enecʼlena; homor halaṅ kedale, ar koṛam hõ bape ceṭakʼlena.’

Mark 3:22

Ar Jerusalem khonko hecʼakan tahẽkan sostor baḍaeko doko menkeda, “Unire do Beelsebul menaea. Uni do bạṛicʼ jiuren raj hotete bạṛicʼ jiukoe oḍok giḍiyetʼkoa.”

Johan 8:52

Jihudi mukhiạko do uniko metadea, “Ale do ńitokʼ sạrigele bujhạueda je, amre do bhut menaea. Abraham ar nạbiko hõko gocʼena, ar am dom meneda, ‘jãhãege ińakʼ katha lekae senokʼ uni do tis hõ bae gujukʼa.’ Am do cetʼ baba Abraham khon hõm maraṅgea?