Mathae 10:41 - Santali Common Language New Testament

⁴¹ Mitʼṭen nạbi jãhãege nạbi menteye ataṅe, enḍekhan nạbi okaṭakʼ kuṛạiye ńam, uni hõ ona kuṛạigeye ńama. Isor sewawae hoṛ jãhãege Isor sewawae hoṛ menteye ataṅe enḍekhan Isor sewawae hoṛ oka kuṛạiye ńam, uni hõ ona kuṛạigeye ńama.

সান্তালী বাইবেল

⁴¹ Mitʼṭen nạbi jãhãege nạbi menteye ataṅe, enḍekhan nạbi okaṭakʼ kuṛạiye ńam, uni hõ ona kuṛạigeye ńama. Isor sewawae hoṛ jãhãege Isor sewawae hoṛ menteye ataṅe enḍekhan Isor sewawae hoṛ oka kuṛạiye ńam, uni hõ ona kuṛạigeye ńama.

Mathae 10:41 Referans Kwoze

Ibriko 6:10

Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.

2 Johan 1:8

Ape do sontor akae tahenpe, jemon apepe kạmiakatʼ reakʼ kuṛại purạtepe ńam daṛeakʼ.

1 Korinthiko 9:17

Iń do apnar kusiteń porcaretʼ khan, enḍekhan kuṛại do menakʼgetińạ, ar apnar kusite bạń porcaretʼ kanrehõ iń cetanre ona bhar menakʼte onań kạmi kana.

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Mathae 6:18

jemon eṭakʼko aloko baḍae daṛeakʼ, am dom upạsetʼ kana. Enḍekhan amren Baba okoe do bae ńelokʼkanre hõ hạjirge menae ar danaṅ khon jotowakʼe ńeńelkan unige kuṛạiye emama.

Romiko lạgitʼ Pạul Apostolakʼ ciṭhi 16:23

Ar iń okoeakʼ oṛakʼreń tahenkan ar manḍerren hoṛko okoeakʼ oṛakʼrele jarwa midokʼkan, uni Gaius hõ apekoe joharape kana. Noa nagrahare ṭaka-poesa hisạb dohoe reakʼ bhar okoe cetanre menakʼ uni Erastus ar aboren boeha Kuartus hõ apekin joharape kana.

Mathae 6:6

Menkhan amem koejoṅre bhitri oṛakʼre bolokate duạr sińme, ar amren Baba, okoe do bae ńelokʼkanre hõ hạjirge menae, uni ṭhen koejoṅme. Enḍekhan amren Baba okoe do danaṅ khon jotowakʼe ńeńel kan, unige kuṛạiye emama.

Aposkạmi 16:15

Ar noate uni ar acʼ gharońjren sanamkogeko bạptisena. Inạ tayom uni do noa menkateye neotaketʼlea, “Probhure biswạs akanpe hudisedeń khan dela ińakʼ oṛakʼre hijukʼte tahenpe.” Ar noa katha menkate acʼakʼ oṛakʼteye idiketʼlea.

Mathae 6:4

Jemon amakʼ dan emokʼ do okoge tahentam. Enḍekhan okoe danaṅ khon jotowakʼe ńeńelkan uni amren Baba do kuṛạiye emama.

Mathae 6:1

“Husiạrokʼpe, hoṛ ṭhen ńel ocokʼ leka do alope dhorom koroma; arpe onkae khan aperen sermaren Baba ṭhen khon jãhãn kuṛại do bape ńama.

Mathae 7:8

Ente mitʼke mitʼ kokoyicʼ do milạuaea; ar ńam baṛayicʼ doe ńama ar ṭhopʼ ṭhopʼetʼicʼ do jhicʼaea.

Mathae 25:44

“Unreko metaea, ‘E Probhu, tis baṅ reṅgecʼletʼme, se tetaṅletʼme, se upriạ, se laṅgaṭ, se ruạ, se hajotre ńelkate bale sapʼ soratʼme?’

Mathae 25:45

“Uni do roṛ ruạṛ akoteye metakoa, ‘sạrigeń metapekana, noko ińren huḍiń utạrko modre jãhãe mitʼ hoṛ tinạkʼ bape nonkawade, unạkʼge iń hõ bape onkawạdińa.’ ”