Mathae 10:4 - Santali Common Language New Testament

⁴ Moulobadi Simon ar okoe do Jisu bạiriko ṭhene soprot ocolede uni Jihudi Iskoriạt.

সান্তালী বাইবেল

⁴ Moulobadi Simon ar okoe do Jisu bạiriko ṭhene soprot ocolede uni Jihudi Iskoriạt.

Mathae 10:4 Referans Kwoze

Mathae 26:14

Unre gelbar celako modren Jihudạ Iskạriotko metae cela do maraṅ naekeko ṭhen senkateye metatʼkoa,

Johan 13:2

Unre kedokʼ jokhecʼ. Soetan do Simon hopon Jihudạ Iskariotakʼ monre bạirikoakʼ tire Jisu soprote lạgitʼ sanae rakapʼ ocoletʼtaea.

Johan 6:71

Jisu do Simon Iskariotren hopon Jihudạwakʼ kathae menetʼ tahẽkana, ente unigeye soprote lạgidokʼkan tahẽkana. Ar uni do gelbarko modren mitʼ hoṛe tahẽkana.

Mark 14:43

Jisui roroṛkan tahẽkanrege Jihudạ do onḍeye hecʼena. Uni do gelbar celako modren mitʼ hoṛe tahẽkana. Ar uni sãote ạḍi utạr hoṛ do tarwaṛe ar ṭheṅgawanteko hecʼena. Onko do maraṅ naekeko ar sostor baḍaeko ar murubikoko kolakatʼko tahẽkana.

Mathae 26:47

Jisui roroṛkan tahẽkanrege, ńelpe, Jihudạ do onḍeye hecʼena. Uni do gelbar celako modren mitʼ hoṛe tahẽkana. Uni sãote ạḍi utạr hoṛ do tarwaṛe ar ṭhengawanteko hecʼena. Onko do maraṅ naekeko ar murubikoko kolakatʼko tahẽkana.

Luk 22:47

Jisu kathae roroṛkan tahẽkanrege onḍe ạḍi utạr hoṛko hecʼena. Ar Jihudạko metae gelbar celako modren mitʼ hoṛ do onko laha lahateye hijukʼkan tahẽkana. Uni do Jisu ṭhene hecʼ sorena cokʼae lạgitʼ.

Luk 22:3

Unre okoe Jihudạ Iskạriotko metaekan tahẽkan unire do Soetane boloyena. Nui do Jisuren gelbar celako modren mitʼ hoṛe tahẽkana.

Mark 14:10

Ona tayom Jihudạ Iskariotko metae mitʼ hoṛ do Jisu soprot ocoye lạgitʼ maraṅ naekeko ṭhene calaoena.

Mathae 27:3

Ar bạirikoakʼ tireye soprotlede Jihudạ do Jisuko bicạr dusikede khan ạḍi ãṭe kastaoena. Uni do maraṅ naeke ar murubiko ona pegel rupạ ṭaka ruạṛatʼkoteye metatʼkoa,

Aposkạmi 1:13

Ado nagrahateko boloyen khan onko do oka koṭha kandhareko tahẽkan onḍeko rakapʼena. Noko celakoakʼ ńutum do Patras, Johan, Jakob ar Andreas, Philip ar Thoma, Bartholomae ar Mathae, Alphaeren hopon Jakob ar moulobadi Simon ar Jakobren hopon Jihudạ.

Mathae 26:2

“Baḍaegeape bar din tayom khange sen-parom porob do hoyokʼa, ar Manwa Hopon do kruse lạgitʼko soprotea.”

Mathae 26:15

“Apeakʼ tire Jisuń soprot lekhan cetʼpe emạńa?” Unre maraṅ naekeko do pegel rupạ ṭaka lekhawadeteko emadea.

Johan 6:64

Menkhan ape modre nonkanko menakʼkoa okoe do ińre bako pạtiạukʼkan.” Okoeko Jisure bako pạtiạukʼkan ar okoe hoteteye soprot ocokʼ, ona do Jisu pạhil khongeye baḍaekan tahẽkana.