Mathae 1:16 - Santali Common Language New Testament

¹⁶ Jakob do Mạriạmren jãwãe Joseph jonome emadea; ar nui Mạriạm khonge Mạsiko metae Jisu doe janamlena.

সান্তালী বাইবেল

¹⁶ Jakob do Mạriạmren jãwãe Joseph jonome emadea; ar nui Mạriạm khonge Mạsiko metae Jisu doe janamlena.

Mathae 1:16 Referans Kwoze

Mathae 27:17

Ado hoṛkoko jarwayen khan Pilạt do onkoe kuliketʼkoa, “Cetʼpe khojkana? Ape ṭhen okoeṭakʼ iń aṛagea, Barabba, se Mạsiko metae Jisu?”

Johan 4:25

Unre uni maejiue menkeda, “Baḍaegeạń, Mạsi, okoe do Krisṭko metaekan uni doe darae kana. Are hecʼlenre sanamakʼe baḍae ocobona.”

Luk 3:23

Jisu do pegel serma gan umer tahẽkanre acʼakʼ kạmiye ehopʼkeda. Hoṛko bujhạure uni do Josephren hopone tahẽkana. Joseph do Eliren hopone tahẽkana;

Mathae 27:22

Unre Pilạte metatʼkoa, “Enḍekhan Mạsiko metae Jisu doń cekaea?” Onkoko menkeda, “Kruskae me.”

Luk 4:22

Ar sanam hoṛ do uniko sabasiadea ar uniakʼ moca khon oḍokokʼkan mońj mońj katha ańjomteko hahaṛayena. Onkoko menkeda, “Nui do cetʼ Josephren hopon doe baṅkana?”

Luk 2:48

Ar uniren eṅgat-apat do uni ńelkatekin hahaṛayena. Eṅgattetʼ do uniye metadea, “E Beṭa, cedakʼem nonkaketʼ bona? Am baba ar iń do ạndukʼ mạndukʼliń sendra baṛayetʼmea.”

Luk 2:7

Ar onḍege uni do acʼren pạhil koṛa gidrại janamkedea, ar gendrecʼteye bedhaokedete nandwarreye giticʼkadea, ente unkin lạgitʼ okarehõ tahen jaega baṅ tahẽkana.

Luk 1:27

Uni do Dạud bõsren Joseph ńutuman mitʼṭen hoṛ sãote baplakʼ lạgitʼe horokʼ cikhnạ akan tahẽkana.

Mark 6:3

Nui do cetʼ uni kaṭmistiri doe baṅkana? Nui do cetʼ Mạriạmren hopon doe baṅkana? Jakob, Joses, Jihudạ ar Simon takoren boeha doe baṅkana? Uniren miserako cetʼ nonḍe abo talare bạnukʼkoa?” Nonkage hoṛko do Jisu iạte monre tạkijokʼko ehopʼena.

Mathae 2:13

Gonok ponḍetkoko calaoen khan Probhuren mitʼṭen goḍet do kukmũte Joseph ṭhen ńel ocoyenteye menkeda, “Ma beretʼme, gidrạ ar eṅgattetʼ sotokʼkinte Misor disạmte dạṛme ar ạuriń metam hạbicʼ onḍege tahenme, ente Herod do gidrạ goje iạteye sendra lạgidokʼ kana.’”

Mathae 1:15

Elihud do Eleasar jonome emadea; Eleasar do Mathan jonome emadea; Mathan do Jakob jonome emadea;

Mathae 16:16

Simon Patrase roṛ ruạṛkeda, “Am do Mạsi, jiwetʼ Isorren Hopon kanam.”

Mathae 16:20

Ona tayom uni do celakoe sontorkatʼkoa jemon okoe hõ aloko lại baṛaye, acʼ doe Mạsi kanae mente.