Mark 9:24 - Santali Common Language New Testament

²⁴ Unre gidrạren apat do ãṭ aṛaṅateye menkeda, “Iń doń pạtiạukʼ kangea; ar ńit hõ ińre oka bepạtiạu menakʼ ona baṛe ocokʼ kạtińme.”

সান্তালী বাইবেল

²⁴ Unre gidrạren apat do ãṭ aṛaṅateye menkeda, “Iń doń pạtiạukʼ kangea; ar ńit hõ ińre oka bepạtiạu menakʼ ona baṛe ocokʼ kạtińme.”

Mark 9:24 Referans Kwoze

Luk 17:5

Onko gelbar apostolko do Probhuko metadea, “Aleakʼ biswạs baṛe bạ̃ṛti kataleme.”

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte krusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Ephesiko lạgitʼ Pạul Apostolakʼ ciṭhi 2:8

Ente dayatepe bańcao akana biswạste. Ar ona do ape khonakʼ do baṅ, ona do Isorakʼ dan kana.

2 Thessalonikiko 1:11

Onate ale do jaoge ape lạgitʼle koejoṅ kana jemon aboren Isor do hoho ocokʼ lek menteye bujhạupe, ar acʼakʼ daṛete apeakʼ sanam bhage kạmi reakʼ monejoṅakʼe purạutape ar biswạsi iạte okakope kạmikan onare jemone sạbit utạrpe.

2 Thessalonikiko 1:3

E boehako, ape ńutumte jao okte Isor gun manao johar emae lek kantalea. Apeakʼ pạtiạu do ạḍitetʼ baḍhao idikʼ kana ar ape mimitʼkoakʼ dulạṛ ape apere sarhe idikʼkante ale do sarhao emokʼ lek kantalea.

Philipiko lạgitʼ Pạul apostolakʼ ciṭhi 1:29

Ape do eken Mạsirepe biswạs akante dayape ńam akada ona do baṅ, menkhan ona lạgitʼ duk jojom reakʼ daya hõpe emocoakana.

2 Korinthiko 2:4

Ạḍi duk ar mon reakʼ kosṭote mẽtʼ dakʼ joro joroteń olatʼpe tahẽkana. Ape duk ocope lạgitʼ do bạń oleda, bickom apere tinạkʼ khạndri dulạṛ menakʼtiń ona baḍae ocope lạgitʼgeń olletʼ tahẽkana.

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniakʼ koejoṅe ańjomletʼtaea.

Aposkạmi 10:31

‘Kornelius, Isor do amakʼ koejoṅe ańjom akada ar reṅgecʼ orecʼkom danakokan reakʼ katha hõ uni doe disạ akada.

2Timothi 1:4

Ar amakʼ mẽtʼ dakʼ disạkate am tulucʼ ńapamokʼ iń cuṭ cuṭokʼ kana, jemon ińakʼ mon rạskạte perejokʼtiń.

Luk 7:44

Ona tayom Jisu do maejiu secʼ beṅgetʼkate Simone metadea, “Nui maejiu mam ńelekange. Iń do amakʼ oṛakʼiń hecʼenre jaṅga ạbukokʼ lạgitʼ dakʼ hõ bam emadińạ, menkhan uni do mẽtʼ dakʼte ińakʼ jaṅgakine ạbukkeda ar acʼakʼ upʼteye jotʼketʼtińạ.

Luk 7:38

Ar Jisu tayom secʼre uniakʼ jaṅga ṭhen senkate teṅgoyente rakʼ rakʼte mẽtʼ dakʼte uniakʼ jaṅgakine lohotʼketʼtaea. Inạ tayom uni do acʼakʼ upʼte jaṅgae jotʼketʼtaea ar jaṅgareye cokʼadete ona mahkaokʼ sunume duladea.

Ibriko 12:17

Baḍaegeape, tayomte rakʼ rakʼte ạsirbade koeletʼre hõ enhõ uni doe nihạt giḍi ocoyena, ente mon ạcur reakʼ ạt unre baṅ tahẽkana.

Aposkạmi 10:19

Patras do unhõ dorson reakʼ kathae hudiskan tahẽkana, unre sonot Jiu do uniye metadea, “Ńelme, pe hoṛ amko khojetʼmea.

Mark 9:23

Jisui menkeda, “ ‘Daṛeakʼ khan,’ noa katha reakʼ mane do cetʼkana? Okoeye pạtiạukʼ uni lạgitʼ do jotoge hoedaṛeakʼa.”

Mark 9:25

Ado gadel hoṛ ńir hijukʼkane ńelketʼko khan Jisu do bạṛicʼ jiu dhomkao kedeteye metadea, “E kala ar guṅgạ jiu, hukumam kạnạń uni khon oḍok calakʼme; ar tis hõ unire alom bolo ruạṛokʼa.”