Mark 6:56 - Santali Common Language New Testament

⁵⁶ Ar jãhã nagraha, se atoteye calakʼkan tahẽkan onḍege hoṛko do bajarkore rugikoko jarwayetʼko tahẽkana. Ar uniakʼ kicricʼ ańcar joṭetʼtae lạgitʼko nehõrae kan tahẽkana, ar tinạkʼ do uniko joṭetʼede tahẽkan onko doko bogekʼkan tahẽkana.

সান্তালী বাইবেল

⁵⁶ Ar jãhã nagraha, se atoteye calakʼkan tahẽkan onḍege hoṛko do bajarkore rugiko jarwayetʼko tahẽkana. Ar uniyakʼ kicricʼ ańcar joṭetʼtae lạgitʼko nehõraekan tahẽkana, ar tinạkʼ do uniko joṭetʼede tahẽkan onko doko bogekʼkan tahẽkana.

Mark 6:56 Referans Kwoze

Mathae 9:20

Ona jokhecʼ mitʼṭen maejiu do tayom secʼ khon hecʼkate Jisuakʼ oyon ańcare joṭetʼketʼtaea. Ente uni do gelbar bochor khon pordhol ruạteye jạbun akan tahẽkana.

Luk 6:19

Ar sanam hoṛ uni joṭede reakʼko kurumuṭuyetʼ tahẽkana, ente uni khon do daṛe oḍokokʼkan tahẽkana ar onate jotokoko bogekʼkan tahẽkana.

Mark 3:10

Ar ḍher hoṛe boge akatʼko tahẽkante rugiko do uni joṭede lạgitʼko ṭhela ṭhilikʼkan tahẽkana.

Aposkạmi 5:15

Ado apostolko okako cekayetʼkan tahẽkan ona ńelte hoṛko do parkom ar cạukikote rugiko ạguketʼkoa ar hor horteko dohoketʼkoa, jemon Patrase parom calakʼ jokhecʼ uniakʼ umul do onkore paṛaokʼ.

Aposkạmi 4:12

Kại khon bańcao do ar okoe ṭhen khon hõ oho ńamlena, ente serma latarre, manwako talare nonkan okoege bạnukʼkoa one uniakʼ ńutumte kại khon bańcao bon ńam daṛeke.”

Aposkạmi 4:9

ạliń do mitʼṭen leḍha hoṛliń bogekedete teheńpe kuliyetʼlińạ, uni hoṛ do cekateye bogeyena.

Luk 22:51

Jisui menkeda, “Inạkʼ kakʼme, ar baṅa.” Ar noa menkate uni hoṛakʼ luture joṭetʼketʼteye bogekedea.

Luk 8:44

Uni do tayom secʼ khon hecʼkate Jisuakʼ kicricʼ reakʼ ańcare joṭetʼketʼtaea, ar unrege mãyãm oḍokokʼ do thirentaea.

Mathae 14:36

Ar joto dukhạliạko uni ṭhen ạguketʼkoteko nehõradea jemon onko do uniakʼ kicricʼ ańcarko joṭetʼ daṛeatae; ar tinạkʼko joṭetʼketʼtae onko jotogeko bogeyena.

Mark 6:55

Inạ tayom jãhãrege menaea menteko baḍaeketʼ onḍege parkomkote uni ṭhen rugikoko gokʼ ạguketʼkoa.