Mark 6:34 - Santali Common Language New Testament

³⁴ Jisu lạukạ khone pheḍen khan gadel hoṛe ńelketʼkoa. Ar hoṛkore mãyã hecʼadea, ente onko do gupiyicʼ begor bhiḍi lekako tahẽkana. Ar Jisu do ạḍi okocʼakʼko reaṅ cetʼakoe ehopʼena.

সান্তালী বাইবেল

³⁴ Jisu lạukạ khone pheḍen khan gadel hoṛe ńelketʼkoa. Ar hoṛkore mãyã hecʼadea, ente onko do gupiyicʼ begor bhiḍi lekako tahẽkana. Ar Jisu do ạḍi okocʼakʼko reaṅ cetʼakoe ehopʼena.

Mark 6:34 Referans Kwoze

Mathae 9:36

Uni do gadel hoṛe ńelketʼko khan mãyã hecʼadea, ente onko do gupiyicʼ begor bhiḍi leka laṅga arko asokʼ ṭayokʼ akan tahẽkana.

Luk 9:11

Menkhan gadel hoṛ do ona khoborko baḍaeketʼ khan Jisuko pańjakedea. Uni do onko hoṛkoe ataṅketʼkote Isorakʼ raj reakʼe lạiatʼkoa. Ona chaḍa okoekoakʼ boge ocokʼ reakʼ jạruṛ tahẽkan onkoe bogeketʼkoa.

Ibriko 4:15

Aboren maraṅ naeke do nonkanicʼ doe baṅkana one okoe aboakʼ ńijortetʼre abo tulucʼ duk bae ńam, ente abo leka uni hõ joto secʼ khonge kại reakʼ biḍạu samaṅreye teṅgolena menkhan bae kạileda.

Mathae 14:14

Ar lạukạ khone pheḍen khan uni do gadel hoṛko ńelte mãyã hecʼadea ar onko modre tinạkʼ rugiko tahẽkan onkoe bogeketʼkoa.

Ibriko 2:17

Onate Jisu do sanam secʼte acʼren boehako leka hoyokʼ hoelentaea, jemon uni do mãyãwan ar pạtiạranicʼ maraṅ naeke lekate Isorakʼkoe sapʼsor daṛeakʼ. Ar noa reakʼ monsubạ do hoyokʼ kana, jemon acʼakʼ gujukʼte manwakoakʼ kạiye ocogte Isore kusi ocoye.

Mathae 15:32

Inạ tayom Jisu do celako hohoatʼkoteye metatʼkoa, “Noko gadel hoṛkoreń mãyãkʼ kana, ente teheń pe mãhã hoyokʼ kana onko do iń sãote menakʼkoa, ar noko ṭhen jãhãn jomakʼge bạnukʼa. Ar reṅgecʼte bidạkako hõ baṅ sanań kana; ente hoedaṛeakʼa onko do horkoreko lorao botecʼkokʼa.”

Mark 6:33

Ado calakʼko ńelketʼko khan ḍher hoṛge onkoko oromketʼkoa ar aḍepase ato khonko ńir oḍokente onko laharege onḍeko seṭerena.

Mark 6:35

Ado ạyupʼ hijukʼkan tahẽkanre celako do hecʼkate Jisuko metadea, “Noa jaega do nisungea, ar bela hõe hạsurena.

Mark 8:1

Mitʼ din arhõ ạḍi utạr hoṛko jarwayena. Ar onko hoṛ ṭhen jãhãn jomakʼ baṅ tahẽkante Jisu do acʼren celako hohoatʼkoteye metatʼkoa,

Mark 8:2

“Noko hoṛkoreń mãyãkʼ kana, ente teheń pe din hoyokʼ kana iń sãote menakʼkoa; onko ṭhen do jãhãn jomakʼge bạnukʼa.