Mark 6:3 - Santali Common Language New Testament

³ Nui do cetʼ uni kaṭmistiri doe baṅkana? Nui do cetʼ Mạriạmren hopon doe baṅkana? Jakob, Joses, Jihudạ ar Simon takoren boeha doe baṅkana? Uniren miserako cetʼ nonḍe abo talare bạnukʼkoa?” Nonkage hoṛko do Jisu iạte monre tạkijokʼko ehopʼena.

সান্তালী বাইবেল

³ Nui do cetʼ uni kaṭmistiri doe baṅkana? Nui do cetʼ Mạriạmren hopon doe baṅkana? Jakob, Joses, Jihudạ ar Simon takoren boeha doe baṅkana? Uniren miseratko do cetʼ nonḍe abo talare bạnukʼkoa?” Nonkage hoṛko do Jisu iạte monre tạkijokʼko ehopʼena.

Mark 6:3 Referans Kwoze

Mathae 12:46

Jisu do tinre onko gadel hoṛe galmarao akokan tahẽkana unre ńelpe, eṅgat ar boehakotae do acʼ tulucʼ galmarao lạgitʼ bahrereko teṅgo akan tahẽkana.

Johan 6:42

Khan onko mukhiạko do memenko ehopʼena, “Nũi do cetʼ Josephren hopon Jisu doe baṅkana? Nuiren go-babakin ma coṅ bon oromakatʼ kinge. Enḍekhan cekateye meneda, ‘iń do serma khoniń pheḍ hecʼakana?’ ”

Jihudạwakʼ ciṭhi 1:1

Iń do Jisu Mạsiren golam ar Jakobren boeha Jihudạ kạnạń. Isor Baba okoekoe hoho are dulạṛakatʼko ar Jisu Mạsi okoekoe rukhiyạ akatʼko onko ṭhen noa ciṭhiń oleda.

Galathiko lạgitʼ Pạul Apostolakʼ ciṭhi 1:19

Unre Probhuren boeha Jakob chaḍa eṭakʼ jãhãe apostolko sãote ińakʼ ńapam do baṅ hoelena.

Mathae 11:6

Bhạgangeae uni do okoe ińre bae tạkijokʼkan.”

Aposkạmi 1:13

Ado nagrahateko boloyen khan onko do oka koṭha kandhareko tahẽkan onḍeko rakapʼena. Noko celakoakʼ ńutum do Patras, Johan, Jakob ar Andreas, Philip ar Thoma, Bartholomae ar Mathae, Alphaeren hopon Jakob ar moulobadi Simon ar Jakobren hopon Jihudạ.

Mark 15:40

Ar maejiuko hõ sạṅgińre teṅgokateko ạri bạndhiyetʼ tahẽkana. Onko modre Magdalaren Mạriạm, huḍiń Jakob ar Josestekinren eṅgat Mạriạm ar Salomitekoko tahẽkana.

1 Korinthiko 1:23

menkhan ale do kruslen Mạsiakʼ kathale porcareda. Ona katha Jihudiko ṭhen do mitʼṭen tạkicʼakʼ kana ar boṅgan hoṛ jạtrenko ṭhen do lelhawakʼge,

Johan 14:22

Unre Jihudạ do (Iskariot do baṅ) uniye metadea, “E Probhu, am do cetʼ eken ale ṭhengem sodorokʼa, ar dhạrtiren hoṛko ṭhen do baṅ?”

Luk 7:23

Bhạgangeae uni do, okoe iń iạte monre bae tạkijokʼ.”

Luk 2:34

Inạ tayom Simon do onkoe bhoratʼkote Jisuren eṅgat Mạriạme metadea, “Isor do noae teṅgo akada, nui bale gidrạ iạte Israelko modre aema hoṛ doko ńurokʼa, arhõ aema doko rakapʼ ocokʼa. Nui do nonkan mitʼṭen cinhại hoyokʼa, uni birudre ḍher hoṛge kathako roṛa.

1 Patras 2:4

Nonkan mitʼṭen jiwetʼ dhiri menakʼa one okaṭakʼ do Isore bachao akawan ar okaṭakʼ do uniakʼ mẽtʼre ạḍi damanakʼkan, menkhan hoṛko do uniko neṅghao akadea. Mạsigeye hoyokʼ kana ona dhiri do;

1 Korinthiko 9:4

aleakʼ do cetʼ jom ńũi reakʼ hok bạnukʼtalea?

Mark 3:18

Andreas, Philip, Bartholomae, Mathae, Thoma, Alphaeren hopon Jakob, Thaddae, ar moullobadi Simon,

Aposkạmi 12:17

Patras do thirokʼ lạgitʼ titeye isạrawatʼkoa ar hajot khon Probhu cetʼlekateye oḍok ạgukede onae baḍae ocoketʼkoa. Ar mucạtʼreye metatʼkoa, “Noa khobor do Jakob ar eṭakʼ boehako hõ lạiyakope.” Noa katha menkate uni doe oḍokente eṭakʼ jaegateye calaoena.

Luk 8:20

Unre mitʼṭen hoṛ do uniye lạiadea, “Eṅgam ar boehamteko do am são ńapamokʼ lạgitʼ bahrereko teṅgo akana.”