Mark 6:12 - Santali Common Language New Testament

¹² Unre celako do senkate porcarko ehopʼena jemon hoṛko kại khon monko ạcurtako.

সান্তালী বাইবেল

¹² Unre celako do senkate porcar kạmiko ehopʼena jemon hoṛko kại khon monko ạcurtako.

Mark 6:12 Referans Kwoze

Mathae 4:17

Un khon Jisu do nonka menkate porcare ehopʼena, “Kại khon mon ạcurtape, ente serma raj do sorakana.”

Aposkạmi 20:21

Jihudi ar Junạniko ṭhen iń do jorkateń lại akada je, kại khon mon ạcurkate onko do Isor secʼ ruạṛokʼ hoyokʼtakoa ar Probhu Jisure biswạsokʼ jạruṛtakoa.

Aposkạmi 11:18

Noa katha ańjomkate Jihudạren biswạsiko do begor ạnḍuṅte Isor sarhaoateko menkeda, “Isor do boṅgan hoṛ jạtrenko hõ kại khon mon ạcurkate jion ńam lạgitʼ ạte em akatʼkoa.”

Aposkạmi 2:38

Patrase roṛ ruạṛatʼkoa, “Kại khon mon ạcurtape ar Jisu Mạsi ńutumte bạptisokʼpe. Ar ape do dan lekate sonot Jiupe ńamea.

Luk 13:3

Ińiń metapekana, ona do baṅ, ar onkage ape hõ kại khon mon bape ạcurle khan jotokogepe nosṭo ocokʼa.

Luk 11:32

Menkhan bicạr dinre Ninwi nagraharen hoṛko do beretʼkate niạ piṛhiren hoṛko doskoko udukʼakoa, ente Ninwiren hoṛ do Jonawakʼ porcarte kại khon monko ạcurletʼtakoa; ar ńelpe, nonḍe do Jona khon hõ maraṅicʼ mitʼṭen menaea.

Mathae 3:8

Bhagegea, kại khon monpe ạcurakatʼte ona reakʼ apeakʼ jionre bhage jo ńel ocoetape.

Mathae 3:2

“Mon ạcurtape, ente serma raj do sorakana.”

Aposkạmi 26:20

Damesekre okoe menakʼko pạhilre onko ṭhen, ar ona tayom do Jerusalemrenko ar goṭa Jihudirenko ar boṅgan hoṛ jạtrenko ṭhen hõń porcar akada je, onko do kại khon mon ạcurkate Isor secʼ ruạṛokʼ lek takoa, ar nonkan kạmi lek takoa one okaṭakʼte sạbudokʼ baṅma onko do monko ạcur akada mente.

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

Luk 24:47

Arhõ ol menakʼa, Jerusalem khon ehopʼkate sanam jạtko ṭhen kại ikạkʼ lạgitʼ mon ạcur porcarokʼa.

Luk 15:10

Ińiń metapekana, mitʼṭen kại hoṛ mone ạcurle khan Isorren goḍetko talare hõ onkage rạskạ hoyokʼa.”

Luk 15:7

Ińiń metapekana, onkage kại khon mon ạcur bako moneakʼkan aregel are dhorom hoṛko khon bickom mitʼṭen kại hoṛ mone ạcuretʼkante sermare arhõ bạ̃ṛti rạskạ hoyokʼa.

Luk 13:5

Ińiń metapekana, ona do baṅ, menkhan kại khon mon bape ạcurle khan ape hõ sanamkogepe marao utạrokʼa.”

Mark 1:15

“Okte purạu akana, Isorakʼ raj do sorakana. Kại khon mon ạcurtape ar bhage sombatre pạtiạukʼpe.”

Mathae 11:20

Ado Jisu okako ato ar nagrahakore ḍher hahaṛa kạmikoe kạmiletʼ onako jaegaren hoṛko do mon bako ạcurletʼtakoa. Onate uni do onako jaega nisṛạue ehopʼena,

Mathae 9:13

Iń do mãyãgeń kusiyakʼ kana, dãṛẽ do baṅ, sonot sostorre noa katha reakʼ mane do cetʼ kana mente ona baṛe ḍunḍhạupe. Ente dhorom hoṛ hohoako lạgitʼ do baṅ, menkhan kại hoṛko lạgitʼgeń hecʼakana.”

Luk 9:6

Unre celako do ato ato dãṛãkate Isorakʼ raj reakʼ bhage sombat porcar ar rugiko bogekoko ehopʼena.

Mark 1:3

Hahaṅkarre mitʼṭen hohokạnicʼ reaṅ aṛaṅ, Probhuakʼ hor tearkataepe, Uniakʼ suṛucʼ horko sojhekataepe.

Mathae 11:1

Jisu do acʼren gelbar celako hukumakoe mucạtʼketʼ khan, uni do ato ato cetʼako ar porcar lạgitʼ onḍe khone oḍok calaoena.