Mark 5:23 - Santali Common Language New Testament

²³ Uni do Jisu nehõradeteye metadea, “Ińren kuṛi do gujukʼ dạkhilre menaea. Ado senkate dela capoyem, ar inạtegeye boge utạrokʼa.”

সান্তালী বাইবেল

²³ Uni do Jisu nehõradeteye metadea, “Ińren kuṛi do gujukʼ dạkhilre menaea. Ado senkate dela capoyem, ar inạtege uni doe boge utạrokʼa.”

Mark 5:23 Referans Kwoze

Luk 13:13

Ar noa katha menkateye capokedea ar inạtege uni doe sojheyente Isor gunmanao joharaye ehopʼena.

Luk 4:40

Ado bere hạsurokʼkan tahẽkanre aema lekan rugiko Jisu ṭhenko ạguketʼkoa. Onko do ạḍi lekan rogteko jạbun akan tahẽkana. Ar Jisu do onko mitʼke mitʼ capoketʼkoteye bogeketʼkoa.

Mark 16:18

onko do tite bińko sapʼkoa, ar gujukʼakʼ jãhãnakʼgeko jom ńulere hõ ohoko hạnlena, ar rugikoko capokoa arko bogekʼa.”

Aposkạmi 28:8

Unre Publiusren apattetʼ do ruạ ar amasateye jaṛao akan tahẽkana. Pạul do bhitrite uni ṭhene boloyena are koeadea ar capokedeteye bogekedea.

Luk 4:38

Inạ tayom Jisu do sunạgog bạgikate Simonakʼ oṛakʼteye calaoena. Unre Simonren hanhartetʼ do ruạteye jạbun akan tahẽkan. Ar uni bogeye lạgitʼ Jisuko nehõradea.

Mark 8:23

Jisu do uni kãṛã hoṛ tire sapʼkate ato bahreteye oḍok idikedea. Ona tayom mẽtʼreye thoadea ar capokedeteye kulikedea, “Jãhãnakʼem ńel ńameda?”

Mark 7:32

Onḍe do mitʼṭen kala ar guṅgạ hoṛ Jisu ṭhenko ạgukedea ar capoye lạgitʼko nehõraedea.

Luk 7:12

Ado ona ato reakʼ phaṭok-duạr ṭhene seṭeren khan mitʼṭen gocʼ hoṛ do bahreteko oḍok ạguyede tahẽkana. Ar okoeye gocʼ akan tahẽkan uni do eṅgattetʼren sadher hopone tahẽkana, ar uni maejiu hõ rạnḍigeye tahẽkana. Ar atoren ḍher hoṛge uni rạnḍi maejiu sãoteko tahẽkana.

Mark 6:13

Onko do aema bạṛicʼ jiukoko oḍok giḍikatʼkoa ar ạḍi utạr rugikohõ bohokʼre sunumko ojokʼatʼkoteko bogeketʼkoa.

Mathae 8:3

Jisu do ti tiạrkate joṭetʼkedeteye metadea, “Sanań kangea, ma saphakokʼ me.” Ar unrege murhucʼ jom rog do bogeyentaea.

Aposkạmi 9:17

Unre Ananiạs do senkate ona oṛakʼteye boloyena ar tikin capoadeteye metadea, “E boeha Sạul, nonḍe hijukʼ jokhecʼ horre okoe do am ṭhene ńel ocolen uni doe Probhu Jisu kana. Unige iń doe kol akadińạ jemon am dom ńeńel ar sonot Jiutem perejokʼ.”

Aposkạmi 6:6

Onko do apostol ṭhenko idiketʼkoa. Ar apostolko do onko lạgitʼko koekeda ar kạmire bahalko lạgitʼ capokateko bhoratʼkoa.

Johan 11:3

Onate unkin boeha kuṛi do Jisu ṭhen noa kathakin roṛgotʼkada, “E Probhu, okoeyem dulạṛedekan uni do ruạteye kạhil akana.”

Mark 5:24

Unre Jisu do soṅgeteye calaoena. Ar gadel hoṛ do uniko pańja idikedea ar beṛhaeteko riḍetʼ ciritʼedekan tahẽkana.

Aposkạmi 8:17

Unre Patras ar Johan do onkokin capoketʼkoa, ar onko do sonot Jiuko ńamkedea.

Aposkạmi 9:12

Uni doe koejoṅ kana ar dorsone ńel akada, Ananiạs ńutuman mitʼṭen hoṛ hecʼkate hoṛmoreye capoakadea jemon arhõe ńeńel.”