Mark 5:13 - Santali Common Language New Testament

¹³ Ado Jisui hukumatʼko khan bạṛicʼ jiuko do oḍokente sukrikoreko boloyena. Onate onko sukri do daṛaṅ secʼteko ńir senente doreãoreko ńurhạyena arko unum gocʼena. Ona khạṛre bar hajar gan sukriko tahẽkana.

সান্তালী বাইবেল

¹³ Ado Jisui hukumatʼko khan bạṛicʼ jiuko doko oḍokente sukrikoreko boloyena. Onate onko sukri do daṛaṅ secʼteko ńir senente doreãoreko ńurhạyena arko unum gocʼena. Ona khạṛre bar hajar gan sukriko tahẽkana.

Mark 5:13 Referans Kwoze

Johan sodor 20:7

Ona hajar bochor purạulen khan Soetan do acʼakʼ hajot oṛakʼ khone raṛa ocokʼa.

Johan sodor 9:11

Ar athan kunḍren goḍetge noko pohokoren raje tahẽkana. Ibri pạrsite uni goḍetakʼ ńutum do tahẽkana Abaddon, ar Greek pạrsite do Appoluon, metakʼme ḍahao maraoicʼ.

1 Patras 3:22

Jisu do sermateye calao akana ar ńitokʼ Isorakʼ jojomsa aṛere menaea, ar sermaren goḍetko, ar ektiạrianko ar daṛeanko do uniakʼ gobolre menakʼkoa.

Johan 8:44

Soetange aperen baba do, ar ape do uniren hoponko kanape; onate uniakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriakʼre bae teṅgo akana, ente unire do sạriakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.

Mathae 8:32

Jisui metatʼkoa, “Do calakʼpe.” Ar unrege onko doko oḍokente sukrikoreko boloyena. Onate onko sukri do daṛaṅ secʼteko ńir senente doreão dakʼreko gad gadao pheḍena arko unum gocʼena.

Mathae 7:6

“Okaṭakʼ sonotge ona do seta alope emakoa. Ar sukri samaṅre mạnik hõ alope giḍiya. Hoedaṛeakʼa onko do onakoko lebetʼ gasmanḍaoa ar ạcurkate apeko hoṭakʼ cirạpea.

Mark 5:12

Bạṛicʼ jiuko do Jisu nehõradeteko metadea, “Onko khạṛ sukrikore kolkaleme; ar onko bhitrire bolo ocoaleme.”

Mark 5:14

Ar okoe sukriko gupikan tahẽkan onko do atoteko ńir calaoena ar sanam jaegakoreko lại pasnaokeda. Unre hoṛko do cetʼ hoeakana mente ńel lạgitʼko oḍok hecʼena.