Mark 2:8 - Santali Common Language New Testament

⁸ Jisu do onkoakʼ mon reakʼ nạndi gundikʼakʼe baḍaeketʼ khane metatʼkoa, “Mone monete ona katha reakʼ do cedakʼpe hudisokʼ kana?

সান্তালী বাইবেল

⁸ Jisu do unrege onkoakʼ mon reakʼ nạndi gundikʼakʼe baḍaeketʼ khane metatʼkoa, “Mone monete ona katha reakʼ do cedakʼpe hudisokʼ kana?

Mark 2:8 Referans Kwoze

Aposkạmi 8:22

Amakʼ dusṭami khon mon ạcurtam ar Probhu ṭhen koejoṅme; enḍekhan amakʼ mon reakʼ noa bạṛicʼ hudis pasere pase uni doe ikại tam.

Aposkạmi 5:3

Unre Patrase menkeda, “Henda Ananiạs, Soetan do amakʼ mon cekate nonkae perecʼketʼ tamte, sonot Jiu ṭhen eṛe katham roṛkeda ar jumi ạkhriń reakʼ ṭaka khon thoṛa do am lạgitʼem dohokeda?

Johan 6:64

Menkhan ape modre nonkanko menakʼkoa okoe do ińre bako pạtiạukʼkan.” Okoeko Jisure bako pạtiạukʼkan ar okoe hoteteye soprot ocokʼ, ona do Jisu pạhil khongeye baḍaekan tahẽkana.

Luk 24:38

Jisu do onkoe metatʼkoa, “Cedakʼpe toras akana ar monre cedakʼpe digdhạkʼkana?

Luk 6:8

Menkhan Jisu do onkoakʼ mon reakʼ hudisokʼakʼkoe baḍaekan tahẽkana. Onate borocʼ ti hoṛe metadea, “Beretʼme ar dela sanamko talare teṅgonme.” Ar inạtege uni doe beretʼena are teṅgoyena.

Luk 5:22

Ado onkoko hudisokʼkan reakʼe bujhạuketʼ khane metatʼkoa, “Mon monte cedakʼ ona katha reakʼ dope hudisokʼ kana?

Mathae 9:4

Jisu do onkoakʼ mon reakʼ hudisakʼkoe baḍaeketʼ khane metatʼkoa, “Mone monte bạṛicʼakʼ do cedakʼpe hudiseda?

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

Johan 21:17

Uni do tesar dhao Simon Patrase metadea, “Jona hopon Simon, sạrigem dulạṛedeń kana?” Patras doe mon dukena, ente Jisu do tesar dhao uniye kulikedea, “Sạrigem dulạṛedeń kana?” Onate Patras do Jisui metadea, “E Probhu am do jotowakʼgem baḍaea, ar noa hõm baḍaegea amiń dulạṛetʼme kana.” Jisu do uniye metadea, “Ińren bhiḍiko gupikom.

Mark 7:21

ente manwa bhitri khon, metakʼme ontor khonge joto lekan bạṛicʼ hudis, laṭghaṭ, kombṛo, khũn,

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa je, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.

Mathae 12:15

Ado ona soṛojontroe baḍaeketʼ khan Jisu do onḍe khone oḍok calaoena. Unre gadel hoṛ do uniko pańja idikedea.

Mathae 16:7

Noate celako do ako ako talare kheńjer-meńjer baṛayenteko menkeda, “Piṭhạ babon ạgutoraletʼte noa kathae metabon kana.”

Mark 2:7

“Nui hoṛ cedakʼ nonkan katha doe roṛeda? Nui do Isore opomane kana. Isor chaḍa ar okoe hale kại doe ikạ daṛekea?

Mark 2:9

Nui rugi hoṛ do okaṭakʼ metae algawa, ‘amakʼ kại ikạyen tama’ se, ‘beretʼkate, amakʼ parkom kuṭuṅtam ar taṛamme?’