Mark 2:20 - Santali Common Language New Testament

²⁰ Menkhan okte hijukʼ kana Jãwãe beṭa tinre onko khone idiocokʼa, unre onko doko upạsa.

সান্তালী বাইবেল

²⁰ Menkhan okte hijukʼ kana Jãwãe beṭa tinre onko khone idiocokʼa, unre onko doko upạsa.

Mark 2:20 Referans Kwoze

Luk 17:22

Ona tayom acʼren celakoe metatʼkoa, “Nonkan dinko hijukʼ kana, ape do Manwa Hopon reakʼ mitʼṭen din ńelpe mena, menkhan bape ńelńama.

Johan sodor 21:9

Ar okoe eae goṭecʼ serma goḍetkoakʼ tire mucạtʼ eae goṭecʼ dukte perecʼ bạṭi tahẽkan onko modren mitʼ hoṛ do iń ṭhen hecʼkateye menkeda, “Dela hijukʼme, bạhu kuṛiń udukʼama, metakʼme Bheḍa Hoponren bạhuń udukʼama.”

Johan sodor 19:7

Ar dela, kusite bon rạskạkʼma ar uni bon sarhaoea, ente Bheḍa Hoponakʼ baplakʼ reakʼ ghuṛi do seṭerena ar uniren bạhu doe sapṛao akana.

2 Korinthiko 11:27

Mạsiakʼ sapʼdapʼ kạmire kosṭoreń paṛaolenre hõ ạḍiń khaṭao akana. Aema ńindạ jagwariń tahẽkana, reṅgecʼ ar tetaṅreń paṛaolena begor jomteń tahẽkana, rabaṅ ar laṅgaṭteń kosṭolena.

2 Korinthiko 11:2

Iń do ape lạgitʼ ińakʼ ontorre Isor reakʼ khạndri ãṭteń ãṭokʼkana, ente iń do eken mitʼ goṭen jãwãe tulucʼ, metakʼme Mạsi tulucʼge apeakʼ bapla reaṅ iń ṭhik dohoakada, jemon niphuṭ kũạ̃ri kuṛi leka uni tireń jimạ daṛeape.

1 Korinthiko 7:5

Alope apan ạpinokʼa; menkhan solha mitʼkate koejoṅ lạgitʼ thoṛa din apan ạpin tahẽ hataṛokʼpe; ona tayom do ar hõ mitʼ ṭhenokʼpe jemon apeakʼ bin sambṛao iạte Soetan aloe biḍạupe.

Aposkạmi 14:23

Unkin do mitʼke mitʼ manḍerre maraṅ mukhiyạ kin bahalketʼkoa ar okoe Probhu cetanreko biswạs akan tahẽkan, koejoṅ ar upạste uni Probhuakʼ tirege manḍerren hoṛkokin jimạkatʼkoa.

Aposkạmi 3:21

Isor do lahate leka sanamakʼ arhõe beretʼ ruạṛa mente ḍher laha khonge sonot nạbiko hoteteye roṛletʼa. Ar tin hạbicʼ acʼakʼ onako katha bae purạu unạkʼ hạbicʼ Jisu do sermare tahen hoyokʼtaea.

Aposkạmi 1:9

Noa kathae lạiatʼko khan celako samaṅrege Jisu doe rakapʼ ocoyena ar mitʼṭen rimil reakʼ danaṅteye calaoena.

Johan 17:13

“Ńitokʼ do am ṭheniń hijukʼ kana, ar ińakʼ rạskạte onkoakʼ ontor jemon perejokʼtako onate dhạrtire tahenrege noako kathań roṛeda.

Johan 17:11

Iń do noa dhạrtire ar bạń tahen kana, menkhan onko do noa dhạrtire menakʼkoa; iń do am ṭheniń hijukʼkana. E sonoticʼ Baba, amakʼ oka ńutumem emakawạdiń ona ńutumte noko rukhiyạkom, jemon alaṅ cetʼ lekalaṅ mitʼge noko hõ onkage mitʼko tahen.

Johan 16:28

Sạrige iń do Baba ṭhen khon noa dhạrtiteń hecʼakana, arhõ noa dhạrti bạgikate Baba ṭhengeń calakʼ kana.”

Johan 16:7

Enre hõ sạri kathageń lạiape kana, ińakʼ calakʼ do ape lạgitʼ bhagegea, ente bạń senlen khan uni sohotʼicʼ do ape ṭhen bae hijukʼa. Menkhan ińiń senlenre uni do ape ṭheniń kolea.

Johan 13:33

“E bachako, iń do ape tulucʼ ar thoṛa ghạṛicʼ minạńa. Ape do ińpe ńam baṛańạ, menkhan Jihudi mukhiạko cetʼlekań metatʼko tahẽkan, ‘okateń calakʼkan onḍe do ohope sen daṛelena,’ onkage ape hõ ńitiń metapekana.

Johan 3:29

Okoe ṭhen bạhui jimạ ocoakan uni kangeae jãwãe do. Ar lomta koṛa do jãwãe beṭawakʼ kathae ańjoma ar uniakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

Mathae 26:31

Unre Jisui metatʼkoa, “Niạ ńindạ ape jotoge ińrepe tạkijokʼa. Sonot sostorre olakana, ‘gupiyicʼ iń gojea, enḍekhan palren bhiḍikoko chir chạturokʼa.’

2 Korinthiko 6:5

dal jomre, hajotkore, hulmalre, khaṭaokʼre, jagwarre ar upạsre.

Johan 12:8

Reṅgecʼko ma jaoge ape tulucʼ menakʼko, menkhan iń do jao okte bape ńameńạ.”

Mathae 9:15

Jisui metatʼkoa, “Jãwãe beṭa soṅgere tahen tulucʼ cetʼ bạriạtko doko bhabnakokʼa? Menkhan okte hijukʼ kana jãwãe beṭa do onko khone idiocokʼa. Ar unre onko doko upạsa.

Mark 2:19

Jisui metatʼkoa, “Jãwãe beṭa soṅgere tahen tulucʼ cetʼ bạriạtko doko upạs daṛekea? Tinạkʼ din soṅgere Jãwãe beṭae tahen unạkʼ din onko do bako upạsa.

Mark 2:21

“Okoe hõ mare kicricʼre nawa kicricʼ do bako tạli jalada. Arko onkae khan mare kicricʼ khon nawa rokʼakʼ do oṛecʼ hijukʼa. Onate oṛecʼ do artetʼge lạṭu idikʼa.

Luk 5:35

Menkhan okte darae kana Jãwãe beṭa do onko ṭhen khone idiocokʼa, ar unre onko doko upạsa.”