Mark 2:2 - Santali Common Language New Testament

² Unre nunạkʼ hoṛko jarwayena je, duạr bahrere hõ jaega do ar baṅ tahẽlena. Ar Jisu do hoṛko ṭhen Isorakʼ kathae porcaretʼkan tahẽkana.

সান্তালী বাইবেল

² Unre nunạkʼ hoṛko jarwayena je, duạr bahrere hõ jaega do ar baṅ tahẽlena. Ar Jisu do hoṛko ṭhen Isorakʼ kathae porcaretʼkan tahẽkana.

Mark 2:2 Referans Kwoze

Mark 2:13

Jisu do arhõ Gạlil doreão aṛeteye oḍok calaoena. Unre ạḍi utạr hoṛ do uni ṭhenko hecʼena ar onko cetʼakoe ehopʼena.

Mark 1:45

Menkhan uni hoṛ do bahrete oḍok senkate sanam jaegare noa khobor lại pasnaoe ehopʼena. Onate Jisu do okaṭakʼ nagrahate hõ sodorte bae bolo daṛeada. Uni do nisun jaegakore tahen hoyentaea; ar enrehõ hoṛko do sanam jaega khon uni ṭhen hijukʼko ehopʼena.

2Timothi 4:2

Isorakʼ katha lại jạhirme; batarre ar bin batarre, am do jao okte lại jạhir lạgitʼ sapṛao akae tahenme; ạḍi sobori salakʼ cetʼakote hoṛkoakʼ dosko udukʼakome, onko sontorkom ar sopolha emakom.

Romiko lạgitʼ Pạul Apostolakʼ ciṭhi 10:8

Isor ṭhen dhorom mente ataṅokʼ reaṅ sostorre arhõe meneda, “Isor okae menakatʼ ona do am sãorege menakʼa, metakʼme amakʼ moca ar amakʼ ontorre menakʼa.” Okaṭakʼ biswạs reakʼ katha bon porcaretʼkan ona do Isorakʼ katha kangea.

Aposkạmi 16:6

Pạul ar uni sãotenko do sonot Jiu hoteteko mana ocoyente Asiạre do bako porcarleda. Unre onko do Phrugiạ ar Galatiạ Prodes reakʼ sanam jaegateko calaoena.

Aposkạmi 14:25

Unkin do Perga nagrahare Isorakʼ katha porcarkate Attaliạ bondortekin calaoena.

Aposkạmi 11:19

Ado Stephan babot hoyen santao iạte okoekoko chir chạtur akan tahẽkan onko do Phoenikiạ, Kupros ar Siriạ disạm reakʼ Antiokiạ hạbicʼ senkate eken Jihudiko ṭhenge Isorakʼ kathako lạikeda.

Aposkạmi 8:25

Inạ tayom Patras ar Johan do Probhu reaṅ goha emkate Jerusalemtekin ruạṛ calaoena. Ar calakʼ calakʼte unkin do Samariạkoakʼ aema atokore bhage sombatkin porcar idikeda.

Luk 12:1

Ar inạkʼtege hajar hajar hoṛ nonkako jarwayena je, onko do ṭhela ṭhili iạte bhindạṛokʼko ehopʼena. Unre Jisu do pạhilre acʼren celakoe metatʼkoa, “Phạrusikoakʼ khạmi khon sontor akae tahenpe. Ona khạmi do hoyokʼ kana onkoakʼ phạsiạratetʼ.

Luk 8:11

“Golpo reakʼ mane do nõkʼõe: Itạ do hoyokʼ kana Isorakʼ katha.

Luk 8:1

Inạ tayom Jisu do ato ato ar nagraha nagrahate dãṛãkate Isorakʼ raj reakʼ bhage sombat porcarakoe ehopʼena. Ar uni soṅgete acʼren gelbar celako ar thoṛa maejiuko hõko tahẽkana. Noko maejiu do ruạ haso ar bạṛicʼ jiuko khonko boge ocoakan tahẽkana. Noko doko hoyokʼ kana, Mạriạm, okoe do Magdalaniko metaekan ar nui khonge eae goṭen bạṛicʼ jiu doko oḍoklena;

Mark 1:37

Arko ńamkede khan uniko metadea, “Sanamkoge amko ńam baṛayetʼmea.”

Mark 1:33

Unre nagraharen hoṛ do ona oṛakʼ reakʼ duạr ṭhen hecʼkateko jarwayena.

Mark 1:14

Johan hajotreye bhorao ocoyen khan Jisu do Gạlil Prodeshteye calaoena. Ar noa katha menkate uni do Isorakʼ bhage sombat porcare ehopʼena,

Mathae 5:2

Unre uni do celako nonka menkate cetʼakoe ehopʼena:

Luk 5:17

Mitʼ din Jisu do hoṛkoe cetʼakokan tahẽkanre Phạrusiko ar sostor baḍaeko hõ onḍeko duṛupʼ akan tahẽkana. Noko do Gạlil ar Jihudạ reakʼ atoko ar Jerusalem nagraha khonko hecʼakan tahẽkana. Ar rugiko bogeko reakʼ Probhuakʼ daṛe do Jisure tahẽkana.

Mark 6:34

Jisu lạukạ khone pheḍen khan gadel hoṛe ńelketʼkoa. Ar hoṛkore mãyã hecʼadea, ente onko do gupiyicʼ begor bhiḍi lekako tahẽkana. Ar Jisu do ạḍi okocʼakʼko reaṅ cetʼakoe ehopʼena.

Mark 2:1

Thoṛa din tayom Jisu do arhõ Kapharnạhum nagrahateye calaoena. Ar hoṛko do mitʼṭen oṛakʼre menaea menteko ańjomkeda.