Mark 16:14 - Santali Common Language New Testament

¹⁴ Inạ tayom Jisu do acʼren gelmitʼ celako ṭhene ńel ocoyena. Unre onko doko jojomkan tahẽkana. Ar onkoakʼ bepạtiạu ar keṭecʼ mon iạte uni doe nisrạuketʼkoa, ente gocʼko khone jiwetʼ beretʼen tayom okoeko ńellede onkoakʼ katha bako pạtiạuatʼ tahẽkana.

সান্তালী বাইবেল

¹⁴ Inạ tayom Jisu do acʼren gelmitʼ celako ṭhene ńel ocoyena. Unre onko doko jojomkan tahẽkana. Ar onkoakʼ bepạtiạu ar keṭecʼ mon iạte uni doe nisrạuketʼkoa, ente gocʼko khone jiwetʼ beretʼen tayom okoeko ńellede onkoakʼ katha bako pạtiạuatʼ tahẽkana.

Mark 16:14 Referans Kwoze

1 Korinthiko 15:5

uni do Patras ar tayomte acʼren apostolko ṭhene ńel ocoyena.

Johan sodor 3:19

Okoeyiń dulạṛetʼko, onkoge doskoń udukʼakoa ariń ḍanṭaokoa. Onate noa khon mon ạcur lạgitʼ ahkaokʼme.

Johan 20:27

Ona tayom uni do Thomae metadea, “Amakʼ kạṭupʼ nonḍe ạguitam ar ińakʼ banar ti ńelme ar amakʼ ti tiạrkate kokhare sogeńme. Ar bin pạtiạricʼ do alom hoyokʼa bickom pạtiạuicʼge hoyokʼme.”

Mathae 11:20

Ado Jisu okako ato ar nagrahakore ḍher hahaṛa kạmikoe kạmiletʼ onako jaegaren hoṛko do mon bako ạcurletʼtakoa. Onate uni do onako jaega nisṛạue ehopʼena,

Luk 24:25

Khange Jisu do unkine metatʼkinạ, “Aben do cetʼge baben bujhạu akada. Abenakʼ mon do goṛdho akana, onate nạbikoko roṛakatʼ katha hõ baben pạtiạuakʼ kana.

Mark 7:18

Jisui metatʼkoa, “Cekate nunạkʼ dope bebujgea? Ape do cetʼ bape bujhạueda, bahre khon okaṭakʼ manwa bhitrite bolokʼkan onate manwa do bae bhõnḍ daṛeaea mente?

Mathae 17:20

Jisui metatʼkoa, “Apeakʼ nase pạtiạu iạte bape daṛeada. Sạrigeń metapekana, tuṛi jaṅ inạkʼ hõ biswạs tahentape ar noa burupe metakʼ, ‘nonḍe khon hanḍe ucạṛokʼme,’ enḍekhan ona do ucạṛokʼa.

Mathae 28:17

Ar onḍe Jisuko ńelkede khan uniko sewawadea, menkhan adomko do digdhạ hecʼatʼkoa.

Luk 24:11

Menkhan onako katha do onko ṭhen ạuṛiakʼ lekage bujhạuena. Onate onko maejiukoakʼ kathate bako pạtiạulena.

Johan 20:25

Ar eṭakʼ celako do Thomako lạiadea, “Ale do Probhule ńelakadea.” Khan Thoma do onkoe metatʼkoa, “Tin hạbicʼ uniakʼ banar tire jạlại reakʼ cinhạ bạń ńel, ar bhugạkʼre kạṭupʼ bạń gutui ar kokhare ti bạń sog unhạbicʼ ohogeń pạtiạulena.”

Johan 20:26

Ado niạ mitʼ hapta tayom celako do arhõ oṛakʼ bhitrire mitʼ ṭhenko jarwayena, ar Thoma hõ onko sãoteye tahẽkana. Unre silpińko sińge tahẽkanre hõ Jisu do hecʼkate onko talare teṅgoyenteye metatʼkoa, “Suluk ape ma.”

Johan 21:1

Inạ tayom Jisu do Tiberias doreão aṛere celako ṭhen arhõe ńel ocoyena. Onḍe do nonka lekae sodorena.

Johan 21:14

Gocʼko khon beretʼ ruạṛ tayom Jisu do tesar dhao acʼren celako ṭhene ńel ocoyena.

Aposkạmi 1:3

Uni do acʼakʼ duk jom tayom nokoko hoṛ ṭhengeye ńel ocolena ar uni je jiwetʼge menae ona reakʼ ạḍi utạr biswạsteakʼ pormane emakada. Uni do pon gel din hạbicʼ celako ṭhene ńel ocoyente Isorakʼ raj reaṅe lạiatʼko tahẽkana.