Mark 14:67 - Santali Common Language New Testament

⁶⁷ Ar Patras jorogokʼkane ńelkede khan beṅgetʼ uricʼadeteye metadea, “Am hõ coṅ uni Nasaretren Jisu sãotem tahẽkan.”

সান্তালী বাইবেল

⁶⁷ Ar Patras jorogokʼkane ńelkede khan beṅgetʼ uricʼadeteye metadea, “Am hõ coṅ uni Nasaretren Jisu sãotem tahẽkan.”

Mark 14:67 Referans Kwoze

Mark 14:54

Ar Patras do pharak pharakʼre tahẽkate Jisu tayomte senkate maraṅ naekeakʼ raca hạbicʼe boloyena. Ar onḍe palṭonko sãoteye duṛupʼ panteyente seṅgel ṭhen jorogokʼe ehopʼena.

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Johan 19:19

Ar Pilạt do mitʼṭen olakʼre olkate Jisuakʼ krus cetanreye bạisạu ocokeda. Onare ol tahẽkana, “Nasaretren Jisu Jihudikoren raj.”

Mark 10:47

“Ar Nasaretren Jisu,” kanae menteye ańjomketʼ khan ãṭ aṛaṅte hohoye ehopʼena, “E Dạudren hopon Jisu, dayawạńme.”

Mark 1:24

Uni do ãṭ aṛaṅte hohoateye menkeda, “E Nasaretren Jisu, ale tulucʼ amakʼ do cetʼ? Nosṭole lạgitʼem hecʼ akana? Baḍaegeạń am dom okoe kana; am do Isorren uni sonoticʼ kanam.”

Mathae 21:11

Gadel hoṛko menkeda, “Nui do Gạlil reakʼ Nasaretren nạbi Jisu kanae.”

Mathae 2:23

ar Nasaretko metakʼ mitʼṭen atore senkateye berelena. Noa do hoyena nạbiko hotete roṛlenakʼ katha jemon purạukʼ: enkathae, “Uni do Nasario menteye hoho ocokʼa.”

Johan 18:18

Unre bes rabaṅ paṛao akan tahẽkana. Ona iạte golamko ar kạmiạko do koela seṅgel jolkate teṅgokateko jorogokʼkan tahẽkana. Ar Patras hõ onko sãote teṅgokate jorogokʼe ehopʼena.