Mark 14:49 - Santali Common Language New Testament

⁴⁹ Iń ma jaoge ape talare tahẽkate mundilreń cetʼape kan tahẽkan, ar unre ma bacope sapʼlediń. Menkhan sostor reakʼ katha do purạukʼtege hoyokʼa.”

সান্তালী বাইবেল

⁴⁹ Iń ma jaoge ape talare tahẽkate mundilreń cetʼapekan tahẽkan, ar unre ma bacope sapʼlediń. Menkhan sostor reakʼ katha do purạukʼtege hoyokʼa.”

Mark 14:49 Referans Kwoze

Johan 18:20

Jisui roṛ ruạṛkeda, “Iń do hoṛko ṭhen sodortegeń galmarao akada. Ar Jihudiko mitʼ sãote okareko jarwakʼ ona sunạgogkore ar mundilre iń do jaogeń cetʼ akatʼkoa. Ar danaṅre do cetʼge bạń roṛakada;

Johan 8:2

Dosar hilokʼ Jisu do ạḍi setakʼre arhõ mundilteye hecʼen khan sanam hoṛ uni ṭhenko hecʼena. Unre Jisu do duṛupʼkate onko cetʼakoe ehopʼena.

Luk 22:37

Sonot sostorre olakana, ‘uni do kại hoṛko sãoteye lekhayena.’ Ińiń metapekana, noa katha do ińrege hoe purạukʼa, ente iń reaṅ okako olakan ona do purạu lạgidokʼ kana.”

Mark 12:35

Ado Jisu mundilreye cetʼakokan tahẽkan jokhecʼe kuliketʼkoa, “Sostor baḍaeko do cekateko meneda, Mạsi do Dạudren hopon kanae mente? Dạud ma acʼge coṅ sonot Jiu hoteteye menakatʼ, ‘Probhu do ińren Probhui metadea, tin dhạbicʼ iń do amren bạiriko amakʼ jaṅga latarre bạń dohoko, unhạbicʼ ińakʼ jojomsa aṛere durupʼme.’

Mathae 26:56

Menkhan noa joto do hoyena jemon nạbiko reakʼ olakʼko purạukʼ.” Unre celako do Jisuko ńir bạgiadea.

Mathae 26:54

Sostorre ma coṅ olge menakʼ, noako hoyokʼ do jạruṛgea.”

Mathae 1:22

Noa joto do hoyena nạbi hotete Probhui roṛletʼakʼ katha jemon purạukʼ: enkathae,

Johan 10:23

Jisu do mundilre Solomonakʼ pinḍạreye dãṛã bãṛãekan tahẽkana.

Johan 8:12

Jisu do arhõ hoṛkoe metatʼkoa, “Ińge dhạrti reakʼ marsal. Okoe ińakʼ horteye calakʼ uni do tis hõ ńutre bae taṛama, bickom jion reakʼ marsale ńama.”

Johan 7:37

Ado porob reakʼ mucạtʼ din do mitʼṭen asol din tahẽkana. Enhilokʼ Jisu doe teṅgoyente ãṭ aṛaṅteye menkeda, “Jãhãe hoṛ tetaṅede khan uni do iń ṭhene hijukʼma ar dakʼe ńũ idijoṅma.

Luk 19:47

Jisu do dinạm hilokʼ mundilre senkate cetʼakoe ehopʼena. Ar Maraṅ naekeko, sostor baḍaeko ar disạm hoṛkoren mukhiyạko do goje lạgitʼ ạtko ńam baṛayetʼ tahẽkana,

Mark 11:27

Ona tayom Jisu ar acʼren celako do arhõ Jerusalemteko hecʼena, ar mundilreye dãṛã bãṛãkan tahẽkanre maraṅ naekeko, sostor baḍaeko ar murubiko uni ṭhen hecʼenteko kulikedea,

Mathae 26:55

Uni do gadel hoṛkoe metatʼkoa, “Iń do cetʼ ḍạku kạnạń, onate tarwaṛe ar ṭheṅgawante iń sasapʼpe hecʼakana? Iń ma coṅ jaoge mundilre duṛupʼkateń cetʼakokan tahẽkan, ar unrema bacope sapʼlediń.

Mark 10:1

Jisu do ona jaega khon uṭhạukate Jihudạ Prodesh ar Jordan gaḍa hanasakoteye parom calaoena. Ar gadel hoṛ do arhõ uni ṭhen hecʼkateko jarwayena. Unre uni do acʼakʼ cạli leka cetʼakoe ehopʼena.

Mark 14:48

Jisu do onkoe metatʼkoa, “Iń do cetʼ ḍạku kạnạń, onate tarwaṛe ar ṭheṅgawante iń sasapʼpe hecʼakana?

Mark 14:50

Unre celako do uniko ńir bạgiadea.