Mark 14:41 - Santali Common Language New Testament

⁴¹ Ado tesar dhao ruạṛ hecʼkateye metatʼkoa, “Ńitokʼ hõpe jạpitʼ akatʼgea? Ḍher hoeakana. Ńelpe, okte do seṭerena. Ńitge Manwa Hopon do kại hoṛkoakʼ tireye soprotʼ ocokʼa.

সান্তালী বাইবেল

⁴¹ Ado tesar dhao ruạṛ hecʼkateye metatʼkoa, “Ńitokʼ hõpe jạpitʼ akatʼgea? Ḍher hoyakana. Ńelpe, okte do seṭerena. Ńitge Manwa Hopon do kại hoṛkoakʼ tireye soprot ocokʼa.

Mark 14:41 Referans Kwoze

Mark 14:35

Ona tayom uni do lahańokʼ senkate otre taberenteye koekeda jemon ona ghuṛi hoedaṛeakʼ khan acʼ ṭhen khon pharakokʼ.

Mark 9:31

ente unre uni do acʼren celakoe cetʼakokan tahẽkana, are lại akokan tahẽkana, “Manwa Hopon do hoṛkoakʼ tireko soprotea. Arko gojea ar pe din hilokʼre uni do arhõe jiwetʼ beredokʼa.”

Johan 17:1

Ado noako kathae roṛketʼ khan Jisu do serma secʼ beṅgetʼ rakapʼ kateye menkeda, “E Baba, okte do seṭerakana. Amren Hopon ṭhonok ocoyem jemon Hopon hõ amakʼ ṭhonoke sodortam.

Aposkạmi 7:52

Nonkan jãhãe nạbi menakʼkoa, one okoe do aperen hapṛamko bako santao akatʼko? Se uni dhoromicʼ hoṛ, metakʼme Mạsiakʼ hijukʼ reakʼ katha okoe doko lại lahaletʼ, onko hõko gocʼketʼkoa. Ar ńitokʼ ape do bạirikoakʼ tire Jisupe sapʼ ocokedete uni hõpe khũn ocokedea.

Johan 12:27

Ińakʼ jiwi do ńitokʼ khad badaokʼkan tińạ. Iń do cetʼ niạ kathageń mena, ‘E Baba, noa ghuṛi khon de bańcaoiń me?’ Menkhan niạ lạgitʼge coṅ noa okte hạbicʼ mań hecʼakana.

Johan 12:23

Unre Jisu do Andreas ar Philipe metatʼkinạ, “Manwa Hopon do ṭhonok sodorokʼ reakʼ okte seṭer akanataea.

Johan 8:20

Jisu do mundilreye cetʼakokan tahẽkan jokhecʼ dan samaṅokʼ jaegare noa doe metatʼkoa. Menkhan un hạbicʼ uniakʼ okte baṅ hoeakantae tahẽkante okoe hõ bako sapʼledea.

Johan 7:30

Noa iạte onko hoṛ do Jisu sabeko menetʼ tahẽkana, menkhan un hạbicʼ hõ okte baṅ hoeakantae tahẽkante okoe hõ bako joṭetʼledea.

Mark 14:18

Ado jojomko duṛupʼ akan tahẽkanre Jisui metatʼkoa, “Sạrigeń metapekana, ape modre mitʼ hoṛe soprotińa, uni do iń tulucʼ jojomkanicʼge.”

Mark 14:10

Ona tayom Jihudạ Iskariotko metae mitʼ hoṛ do Jisu soprot ocoye lạgitʼ maraṅ naekeko ṭhene calaoena.

Mark 7:9

Arhõe metatʼkoa, “Isorakʼ hukumko bạgikate manwakoakʼ cạliko pańja do bhagegepe baḍae kana.

Mathae 26:2

“Baḍaegeape bar din tayom khange sen-parom porob do hoyokʼa, ar Manwa Hopon do kruse lạgitʼko soprotea.”

Mark 14:40

Ar inạ tayome ruạṛ hecʼen khan arhõ jạpitʼakatʼe ńamketʼkoa, ente dudṛumte onkoakʼ mẽtʼ do hạrubokʼ kan tahẽkana. Ar Jisu cetʼko roṛ ruạṛaea mente onko do bako bujhạuleda.

Mark 14:42

Ma beretʼpe, dela bon calakʼa, okoe bạirikoakʼ tireye soprotiń uni doe seṭerena.”