Mark 11:3 - Santali Common Language New Testament

³ Aben do raṛakate nonḍe ạguye ben. Ar jãhãegeye kuli ben, ‘cedakʼ ben nonkayeda?’ Enḍekhan metaeben, ‘Probhu do nui reakʼ jạruṛ menakʼtaea; ar uni do usạrateye aṛakʼ abena.’ ”

সান্তালী বাইবেল

³ Aben do raṛakate nonḍe ạguiye ben. Ar jãhãegeye kuli ben, ‘cedakʼ ben nonkayeda?’ Enḍekhan ben mena, ‘Probhu do nui reakʼ jạruṛ menakʼtaea; ar uni do usạrateye aṛakʼ abena.’ ”

Mark 11:3 Referans Kwoze

2 Korinthiko 8:9

Ape do aboren Probhu Jisu Mạsiakʼ daya dan reakʼ kathape baḍaegea, uni do apnartetʼe kisạ̃ṛgere hõ ape khạtirteye reṅgecʼena, jemon uniakʼ reṅgejokʼ hotete apepe kisạ̃ṛ daṛeakʼ.

Aposkạmi 17:25

Uni do jãhãn reṅgecʼ bạnukʼtaea, onate manwakoakʼ tite pujạ hatao hõ baṅ jạruṛaea, ente unige sanam manwako jiwi, sahetʼ ar eṭakʼ jotowakʼkoe danako kana.

Aposkạmi 10:36

Isor do Israelko ṭhen noa bhage sombate kolletʼ tahẽkana je, Jisu Mạsi, one okoe do sanamkoren Probhu kane, uni hotetege suluk do ńamokʼa mente.

Aposkạmi 1:24

Ona tayom onko do noa menkateko koekeda, “E Probhu am do joto hoṛakʼ ontorem baḍaea. Jihudạ hõ acʼakʼ sạjại iạte apostol kạmiye aṛakʼ giḍikeda. Onate ńitokʼ nukin bar hoṛ mod khon ona hudạ lạgitʼ okoeṭakʼem bachao akawan uni baṛe udukʼ aleme.”

Mark 14:15

Khange uni do cetan kandhare mitʼṭen sajao akatʼ oṛakʼe udukʼ abena. Ar onḍege jotowakʼ ben sapṛaoa.”

Mark 11:2

“Aben do samaṅ senakʼ atote calakʼben. Ar atote bolokʼ jokhecʼ mitʼṭen gadha hopon onḍe tol akadeben ńamea. Unire do okoege tishõ bako decʼakana.

Mark 11:4

Unre unkin dokin senena ar gadha hopon chaṭka duạrre tolakade kin ńamkedea. Ar tinre kin raṛayedekan tahẽkana,