Mark 10:30 - Santali Common Language New Testament

³⁰ uni do niạ purire mitʼ sae doboṛ ḍher oṛakʼ-duạr, boeha-misera, eṅgat-apat, gidrạko ar ot-baṛgekoe ńama ar ona são sãote uni doe santao ocokʼa; ar hana purire jaejug jione ạidạri joṅa.

সান্তালী বাইবেল

³⁰ uni do niạ purire mitʼ sae doboṛ ḍher oṛakʼ-duạr, boeha-misera, eṅgat-apat, gidrạko ar ot-baṛgekoe ńama ar ona são sãote uni doe santao ocokʼa; ar hana purire do jaejug jione ạidạri joṅa.

Mark 10:30 Referans Kwoze

Philipiko lạgitʼ Pạul apostolakʼ ciṭhi 3:8

Sạrige okoe lạgitʼ noako lokshaniń bujhạu akatʼ uni ińren Probhu Jisu Mạsi baḍaeyere oka asambheṛ bhor menakʼ, uni ńutumte jotowakʼge lokshan menteń hudiseda. Mạsi jemoniń lab daṛeae ar Mạsire jemoniń ńel ńamokʼ, onate onako do mạilạ lekań bujhạueda.

Luk 18:30

onko mimitʼko do noa piṛhire hõ ḍherko ńama ar darakan piṛhirehõ jaejug jionko hameṭ joṅa.”

2 Korinthiko 6:10

Ạḍi dukle ńametʼre hõ aleakʼ ontor do jao ghuṛi rạskạte perecʼgetalea. Ale do apnarle reṅgecʼgere hõ, ḍher hoṛkole kisạ̃ṛ ocoyetʼkoa. Cetʼge bạnukʼtalere hõ, jotowakʼren ạidạriko kanale. Ar nonkatele sodoretʼkana, ale do Isorren sapʼ dapʼko kanale.

Jakob 1:12

Bhạgangeae uni do one okoe biḍạureye sombhuriyetʼkan, ente lek kanae menteye sạbudlen khan uni do jit reakʼ mala lekate jione ńama. Ar okoe Isorko dulạṛedekan onko do jion emako lạgitʼe gokʼakatʼkoa.

Jakob 5:11

Okoe sombhurikateko sahao akatʼ onko do bhạgankole metako kana. Ape do Jobe sumbrạuletʼ reakʼ kathape ańjomakada ar Probhuakʼ kạmi reakʼ mucạtʼ jo do bhagegea mente ona hõpe ńelakada. Probhuakʼ daya ar mãyã reakʼ mucạtʼ do bạnukʼa.

Johan sodor 3:18

Onate noa solhań emam kana, am do iń ṭhen khon seṅgelre rapakʼakʼ khạṭi sona kirińjoṅme, jemonem kisạ̃ṛ daṛeakʼ. Iń ṭhen khon ponḍ kicricʼ kirińkate horogme jemon onem uluṅ akan reakʼ lajaotetʼ alo ńelokʼtam. Iń ṭhen khon mẽtʼre lagao lạgitʼ aenom kirińjoṅme, jemonem ńeńel.

1Timothi 6:6

Menkhan kusi monte Mạsiakʼ dhorom biswạs lekate colonle khan do maraṅ labjoṅakʼ kangea.

Aposkạmi 5:41

Apostolko do Jisu ńutumte bemanot ocokʼ lek kanako menteko bujhạuketʼ khan rạskạte maraṅ bạisi khonko oḍok calaoena.

1 Johan 3:1

Ma ńeltabonpe, Isor Baba do tinạkʼe dulạṛetʼ bon kana, uni do acʼren gidrạko menteye hohowabon kana, ar sạrige bon onka kangea. Onate dhạrti do bae baḍae akatʼ bona, ente dhạrti do Isor hõ bae baḍae akadea.

2 Thessalonikiko 2:16

Aboren Probhu Jisu Mạsi ar Isor Baba do apeakʼ ontorreye udgạupema ar sanam bhage kạmi ar kathareye kajak ocopema.

Romiko lạgitʼ Pạul Apostolakʼ ciṭhi 6:23

Kại reakʼ kuṛại do moron kana, menkhan Isorakʼ daya dan do aboren Probhu Mạsi hotete jaejug jionge.

Romiko lạgitʼ Pạul Apostolakʼ ciṭhi 5:3

Eken ona do baṅ, harkhet sasetre hõ bon rạskạkʼ kana, ente bon baḍaea harkhet saset reakʼ jo do soboriye hoe ocoea,

Aposkạmi 16:25

Un jokhecʼ do tala ńindạ okte tahẽkana. Pạul ar Silạs do Isorkin sarhaoedekan tahẽkana arkin koejoṅkan tahẽkana. Ar eṭakʼ kạidiko hõ onako ańjomkan tahẽkana.

Johan 10:23

Jisu do mundilre Solomonakʼ pinḍạreye dãṛã bãṛãekan tahẽkana.

Mathae 12:32

Manwa Hopon birudre jãhãege jãhãnakʼe roṛ ona do ikạkʼtaea, menkhan sonot Jiu birudre kathae roṛlekhan baṅ ikạkʼtaea, niạ jugre hõ baṅ ar darakan jugre hõ baṅ.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Johan sodor 2:9

Amakʼ kosṭo ar reṅgecʼ reakʼ kathań baḍaegea, menkhan enhõ am dom kisạ̃ṛgea. Apnarte Jihudiko ńumugokʼkanre hõ okoe do Jihudiko baṅkan, bickom Soetan dolren kanko, onko do am birudre okako roṛetʼkan ona doń baḍaegea.

1 Johan 2:25

Noa kangea jaejug jion, one okaṭakʼ Mạsi do abo emabon lạgitʼe gokʼakatʼ.

Mathae 13:8

Ar adomakʼ itạ do bhage hasare ńurente adom do mitʼ sae doboṛ, adom do turui gel doboṛ ar adom do pegel doboṛ gele beleyena.”

1Timothi 4:8

Hoṛmo bhańjaore thoṛa porho do ńamokʼgea, menkhan Isor bhokti do joto secʼ khon porhowanakʼ kana; onare do nahakʼ reakʼ ar darakan jion reakʼ as menakʼa.