Luk 9:45 - Santali Common Language New Testament

⁴⁵ Menkhan celako do ona katha bako bujhạuleda. Isor do onko ṭhen khone danaṅ akatʼ tahẽkana jemon onko do ona aloko bujhạu daṛeakʼ. Ar celako hõ noa reakʼ jãhãnakʼ katha kuliyeko botorokʼ kan tahẽkana.

সান্তালী বাইবেল

⁴⁵ Menkhan celako do ona katha bako bujhạuleda. Isor do onko ṭhen khone danaṅ akatʼ tahẽkana jemon onko do ona aloko bujhạu daṛeakʼ. Ar celako hõ noa reakʼ jãhãnakʼ katha kuliyeko botorokʼkan tahẽkana.

Luk 9:45 Referans Kwoze

Luk 18:34

Menkhan celako do noako reaṅ cetʼge bako bujhạu daṛeada. Ente ona katha reakʼ bhed onko khon danaṅre tahẽyente Jisu okae roṛketʼ ona do bako bujhạuleda.

Johan 12:16

Jisuren celako do pạhilre noako bako bujhạu daṛeada. Ado tinre Jisuakʼ ṭhonok sodorena unre onko doko disạkeda sonot sostor reakʼ ona katha do Jisu reaṅge olakan tahẽkana mente. Onko do arhõ disạ hecʼatʼkoa hoṛko do Jisu lạgitʼgeko onkaleda.

Luk 2:50

Jisu okae menketʼ ona do acʼren eṅgat-apat bạkin bujhạu daṛeada.

Mark 9:32

Menkhan celako do Jisuakʼ katha reakʼ mane bako bujhạu daṛeada ar kuliye hõko botorena.

Johan 14:5

Thoma do Jisui metadea, “E Probhu, bale baḍaea okatem calakʼkana, ente cekate hor dole baḍaea?”

Johan 12:34

Unre hoṛko do Jisuko metadea, “Sonot sostor khonle baḍae akada Mạsi do jaejug hạbicʼe tahena. Enḍekhan am do cekatem meneda, Manwa Hopon do coṭte rakapʼ ocokʼ hoyokʼtaea? Enḍekhan nui Manwa Hopon doe okoe kana?”

Mark 9:10

Celako do Jisuakʼ hukumko bataoketʼtaea, menkhan gocʼko khon jiwetʼ beredokʼ reakʼ mane cetʼ kana mente ona do ako akore galmaraoko ehopʼena.

Mathae 16:22

Unre Patras do begar idikedete nisṛạueye ehopʼkeda, “E Probhu noa do am khon sahaṛokʼma. Am cetanre nonka do tisge oho hoedaṛelena.”

Luk 9:46

Ado celako modre okoeṭakʼ sanamko khone maraṅa ona reaṅ ako talareko reṭepeṭekʼkan tahẽkana.

Mathae 17:22

Ado Gạlil Prodesh talateye parom calakʼkan tahẽkan jokhecʼ Jisu do acʼren celakoe metatʼkoa, “Manwa Hopon do hoṛkoakʼ tireko soprotea.

Johan 4:33

Onate celako doko menana, “Enḍekhan cetʼ jãhãe jomakʼko ạgu akawadea?”