Luk 9:44 - Santali Common Language New Testament

⁴⁴ “Ińakʼ noako katha monre rebetʼ dohoepe, ente Manwa Hopon do hoṛkoakʼ tireko soprotea.”

সান্তালী বাইবেল

⁴⁴ “Ińakʼ noako katha monre rebetʼ dohoype, ente Manwa Hopon do hoṛkoakʼ tireko soprotea.”

Luk 9:44 Referans Kwoze

Aposkạmi 2:23

Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kruskedea arpe gocʼ ocokedea.

Luk 9:22

Uni do arhõe metatʼkoa, Manwa Hopon do aema duk jojom hoyokʼtaea. Ar murubiko, maraṅ naekeko ar sostor baḍaeko do uniko nihạtea. Are gocʼ ocokʼa ar pe din hilokʼre gocʼko khon jiwetʼ beredokʼ hoyokʼtaea.

Ibriko 2:1

Onate akabon ańjomakatʼ ona manao lạgitʼ arhõ moneakʼ lek tabona, jemon ona khon alo bon pharakokʼ.

Luk 2:19

menkhan Mạriạm do jotowakʼ monreye rebetʼ dohokeda, okoe hõ bae lạiatʼkoa; uni do ona reaṅ monre hudisokʼe ehopʼena.

Johan 19:11

Jisui roṛ ruạṛkeda, “Coṭ khon ektiạri baṅ emam khan iń cetanre jãhãn ektiạrige oho tahẽlentama.” Onate okoe amakʼ tireye soprot akadiń uniakʼ kại do ḍhergetaea.”

Johan 16:4

Iń do noakoń galmaraowatʼpea jemon ona okte hecʼlenrepe disại, noa kathań metatʼpe tahẽkana. “Pạhil khon noako katha do bạń lại akawatʼpea, ente ape tulucʼ iń tahẽkana.

Luk 24:44

Ar ona tayome metatʼkoa, “Iń do ape sãote tahẽkanreń menleda, Mose reakʼ ạnre, nạbikoakʼ olakʼre ar sereńkore iń reakʼ okako katha olakan ona sanamakʼ do purạukʼtehõ purạukʼgea.”

Luk 18:31

Jisu do acʼren gelbar celako mitʼ secʼe hohoatʼkoteye metatʼkoa, “Ńelpe, Jerusalemte bon calakʼ kana. Ar Manwa Hopon reaṅ nạbiko okaṭakʼko ol oṭoakatʼ ona do sanamakʼge purạukʼa.

Luk 2:51

Inạ tayom uni do unkin sãote Nasaret atoteye ruạṛ calaoena ar unkinakʼ tabereye tahẽyena. Menkhan eṅgattetʼ do noako reaṅ monreye rebetʼ dohokada.

Luk 1:66

Okoe noa kathako ańjomketʼ onko do mone monte hudisokʼko ehopʼena arko menkeda, “Nui gidrạ do enḍekhan cele bhalae hoyokʼa?” Noa kathako menkeda ente Probhuakʼ daṛe do gidrạ sãote tahẽkana.

Mark 9:31

ente unre uni do acʼren celakoe cetʼakokan tahẽkana, are lại akokan tahẽkana, “Manwa Hopon do hoṛkoakʼ tireko soprotea. Arko gojea ar pe din hilokʼre uni do arhõe jiwetʼ beredokʼa.”

Mark 8:31

Jisu do acʼren celako noa menkate cetʼakoe ehopʼena, Manwa Hopon do ạḍi okocʼ duk jojom hoyokʼtaea. Uni do murubiko, maraṅ naekeko ar sostor baḍaekoko nihạtea. Are gocʼ ocokʼa, ar pe mãhã hilokʼre uni do arhõ gocʼko khon jiwetʼ beredokʼ hoyokʼtaea.

Mathae 26:2

“Baḍaegeape bar din tayom khange sen-parom porob do hoyokʼa, ar Manwa Hopon do kruse lạgitʼko soprotea.”

Mathae 16:21

Un khonge Jisu do acʼren celako lạiakoe ehopʼena je, acʼ do Jerusalemte calakʼ hoyokʼtaea ar murubiko, maraṅ naekeko, ar sostor baḍaeko hotete ạḍi okocʼ duk jojom hoyokʼtaea. Are gocʼ ocokʼa ar pe mãhã hilokʼre gocʼko khon uni do jiwetʼ beredokʼ hoyokʼtaea.

Johan 16:31

Jisu do acʼren celakoe metatʼkoa, “Enḍekhan ńitokʼ do cetʼ pạtiạukʼ kangeape?