Luk 9:39 - Santali Common Language New Testament

³⁹ Uni do mitʼṭen bạṛicʼ jiue sabea ar ackageye kikiạu goda. Are mocṛa mucṛiyea ar uniakʼ moca khon photo photo oḍokokʼa; ar ona tayom do garal garal huruṛ baṛakateye aṛagea.

সান্তালী বাইবেল

³⁹ Uni do mitʼṭen bạṛicʼ jiue sabea ar ackageye kikiạu goda. Are mocṛa mucṛiyea ar uniyakʼ moca khon photo photo oḍokokʼa; ar ona tayom do garal garal huruṛ baṛakateye aṛagea.

Luk 9:39 Referans Kwoze

Luk 8:29

Uni hoṛ do noa iạtegeye menkeda, ente Jisu do bạṛicʼ jiu uni khon oḍok calakʼe hukumade tahẽkana. Ar bạṛicʼ jiu do ghane ghạṛicʼ uni hoṛe sapʼ tirupʼede tahẽkana. Ar sikṛite tolkateko horhoyedekan tahẽkanre hõ uni do onae topakʼetʼ tahẽkana, ar bạṛicʼ jiu hotete hahaṅkar jaegakoreye ạcur baṛaekan tahẽkana.

Luk 4:35

Jisu do bạṛjicʼ jiu dhomkao kedeteye metadea, “Thirkokʼme, ar uni khon oḍok calakʼme.” Unre bạṛicʼ jiu do onko talare uniye bhindạṛkedea ar jãhãnakʼ begor hạnete uni khone oḍok calaoena.

Mark 9:26

Unre bạṛicʼ jiu do kikiạuate koṛae mocṛa mucṛikedea ar uni khone oḍok calaoena. Onate koṛa do gocʼicʼ lekae ńelente ḍher hoṛgeko menkeda, “Uni doe gocʼena.”

Mark 9:20

Ado uni ṭhenko ạgukedea. Unre bạṛicʼ jiu do Jisui ńelkede khan koṛaye mocṛa mucṛikedea. Ar otreye bhindạṛkedete moca do photo photoyentaea ar guṛdạukʼe ehopʼena.

Johan sodor 9:11

Ar athan kunḍren goḍetge noko pohokoren raje tahẽkana. Ibri pạrsite uni goḍetakʼ ńutum do tahẽkana Abaddon, ar Greek pạrsite do Appoluon, metakʼme ḍahao maraoicʼ.

1 Patras 5:8

Apnar sambṛaokʼpe ar sontorakae tahenpe, ente aperen bạiri Soetan do hạnḍrạukʼkan dhạcri kul lekae dhãoṛa dhạ̃uṛi baṛaekana jãhãegeye utʼgotʼkaea mente.

Johan 8:44

Soetange aperen baba do, ar ape do uniren hoponko kanape; onate uniakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriakʼre bae teṅgo akana, ente unire do sạriakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.

Mark 9:18

Tinreye sabea unre uni do otreye tawakʼ bhindạṛea. Ar moca do photo photokʼtaea are togocʼ ḍaṭaea. Iń do amren celako uni jiu oḍok giḍiye lạgitʼ iń metatʼkoa, menkhan bako daṛeada.”

Luk 9:38

Unre gadel hoṛ bhitri khon mitʼ hoṛ do ãṭ aṛaṅte hohoate Jisui metadea, “E Guru, dayakate hoponiń baṛe ńeleme. Uni doe sadher hopon kantińạ.

Luk 9:40

Iń do amren celako ṭheniń nehõrlena jemon uni jiuko oḍok giḍikae, menkhan bako daṛeada.”