Luk 9:29 - Santali Common Language New Testament

²⁹ Are koejoṅkan tahẽkanrege Jisuakʼ mẽtʼãhã do bodolena ar uniakʼ kicricʼko hõ pĩṛĩtʼ pĩṛĩtʼ ponḍentaea,

সান্তালী বাইবেল

²⁹ Are koejoṅkan tahẽkanrege Jisuakʼ mẽtʼãhã do bodolena ar uniyakʼ kicricʼko hõ pĩṛĩtʼ pĩṛĩtʼ ponḍentaea,

Luk 9:29 Referans Kwoze

Mathae 17:2

Ar onko samaṅre uni doe eṭakʼ boronena. Uniakʼ mẽtãhã do siń cando leka jhak jhak ar kicricʼko do marsal leka pĩṛĩtʼ pĩṛĩtʼ ponḍentaea. Onko do Mose ar Eliạ Jisu tulucʼ galmaraoko ńelketʼkinạ.

Johan sodor 20:11

Ona tayom mitʼṭen maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.

Aposkạmi 6:15

Ado ona maraṅ bạisire okoeko duṛupʼ akan tahẽkan onko sanamkoge Stephanko beṅgetʼ uricʼade khan uniakʼ mẽtʼãhã do sermaren mitʼṭen goḍetakʼ mẽtʼãhã lekako ńelketʼtaea.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniakʼ oka ṭhonok menakʼ ona do alele ńelakada. Uni do daya ar sạriakʼteye perecʼgea.

Mark 16:12

Ona tayom uniren barea cela do ato secʼkin taṛam idiyetʼkan tahẽkanre Jisu do eṭakʼ rupte unkin ṭhene ńel ocoyena.

Luk 3:21

Ado okoeko hoṛ Johan ṭhenko hecʼakan tahẽkan onko bạptismako ataṅetʼ tahẽkanre Jisu hõe bạptis ocoyena. Bạptisma tayom Jisu do tinreye koejoṅkan tahẽkana unre serma do jhicʼena.

Luk 5:16

Ar Jisu do jaoge nisun jaegakore senkateye koejoṅ kan tahẽkana.

Luk 6:12

Inạ tayom Jisu do koejoṅ lạgitʼ mitʼṭen buruteye rakapʼ calaoena ar goṭa ńindạ Isor ṭhen koejoṅteye aṅgakeda.

Luk 9:18

Mitʼ dhao Jisu do mitʼṭen nisun jaegareye koejoṅkan tahẽkana. Unre uni soṅgete eken acʼren cela motogeko tahẽkana. Adoe kuliketʼkoa, “Iń doń okoe kana, ar noa reaṅ hoṛko do cetʼko meneda?”

Luk 9:30

ar uni tulucʼ bar hoṛ galmaraokan kin ńelena. Unkin do Mose ar Eliạge.