Luk 9:18 - Santali Common Language New Testament

¹⁸ Mitʼ dhao Jisu do mitʼṭen nisun jaegareye koejoṅkan tahẽkana. Unre uni soṅgete eken acʼren cela motogeko tahẽkana. Adoe kuliketʼkoa, “Iń doń okoe kana, ar noa reaṅ hoṛko do cetʼko meneda?”

সান্তালী বাইবেল

¹⁸ Mitʼ dhao Jisu do mitʼṭecʼ nisun jaegareye koejoṅkan tahẽkana. Unre uni soṅgete eken acʼren cela motogeko tahẽkana. Adoe kuliketʼkoa, “Iń doń okoe kana, ar noa reaṅ hoṛko do cetʼko meneda?”

Luk 9:18 Referans Kwoze

Luk 11:1

Mitʼ jokhecʼ Jisu do mitʼṭen jaegareye koejoṅkan tahẽkana. Ado koejoṅe mucạtʼketʼ khan acʼren mitʼṭen cela doe menkeda, “E Probhu, Johan bạbạptisicʼ cetʼleka acʼren celako koejoṅe cetʼatʼko tahẽkan onkage ale hõ cetʼaleme.”

Mathae 26:36

Unre Jisu do onko tulucʼ Gethsemaneko metakʼ mitʼṭen jaegate senkate celakoe metatʼkoa, “Iń do onḍe senkate tin hạbicʼ iń koejoṅ un hạbicʼ ape do nonḍe duṛupʼ hataṛokʼpe.”

Mathae 14:23

Ado gadel hoṛe bidạketʼko khan koejoṅ lạgitʼ acʼ eskarge buruteye rakapʼena. Ar ńuhumen khan eskarge onḍeye tahẽyena.

Luk 3:21

Ado okoeko hoṛ Johan ṭhenko hecʼakan tahẽkan onko bạptismako ataṅetʼ tahẽkanre Jisu hõe bạptis ocoyena. Bạptisma tayom Jisu do tinreye koejoṅkan tahẽkana unre serma do jhicʼena.

Luk 6:12

Inạ tayom Jisu do koejoṅ lạgitʼ mitʼṭen buruteye rakapʼ calaoena ar goṭa ńindạ Isor ṭhen koejoṅteye aṅgakeda.

Luk 9:19

Celakoko metadea, “Adomko doko meneda am dom Johan bạbạptisicʼ kana; ar adomko doko meneda Eliạ kanam; arhõ adomko doko meneda sedaeren mitʼṭen nạbigeye jiwetʼ beretʼ akana.”

Luk 9:28

Ado noako kathae roṛketʼ mitʼ hapta tayom Jisu do koejoṅ lạgitʼ Patras, Johan ar Jakobteko soṅgekate mitʼṭen buruteye rakapʼena.

Luk 9:29

Are koejoṅkan tahẽkanrege Jisuakʼ mẽtʼãhã do bodolena ar uniakʼ kicricʼko hõ pĩṛĩtʼ pĩṛĩtʼ ponḍentaea,