Luk 8:28 - Santali Common Language New Testament

²⁸ Ado Jisui ńelkede khan kikiạuate otre taberente ãṭ aṛaṅteye menkeda, “Maraṅ Isorren Hopon Jisu, iń tulucʼ amakʼ do cetʼ? Dayakate alom sasetińạ.”

সান্তালী বাইবেল

²⁸ Ado Jisui ńelkede khan kikiạuate otre taberente ãṭ aṛaṅteye menkeda, “Maraṅ Isorren Hopon Jisu, iń tulucʼ amakʼ do cetʼ? Dayakate alom sasetińạ.”

Luk 8:28 Referans Kwoze

Mathae 8:29

Unkin do nonkan haḍrapkin tahẽkana, ona horte okoe hõ bako parom daṛeakʼkan tahẽkana. Ado kikiạuatekin menkeda, “E Isorren Hopon, ale tulucʼ amakʼ do cetʼ? Okte ạuri hoyokʼrege sasetle lạgitʼem hecʼakana?”

2 Patras 2:4

Serma goḍetkoko kạiletʼre Isor do onko bae aṛakʼ giḍiletʼkoa, bickom norok reakʼ ńut ghaḍlakʼreye giḍiletʼkote bicạrko lạgitʼe dohoakatʼkoa.

Johan sodor 20:10

Ar okoe onko eṭakʼ horteye bulạu idiletʼko tahẽkan uni Soetan do jolokʼkan gondhok reakʼ doreãoreye khadle ocoyena. Uni janwar ar eṛe nạbi do laharege onḍekin khadle ocoakan tahẽkana. Onko do onḍe jaejug hạbicʼko sasetokʼa.

1 Johan 3:8

Okoeye kại idiyetʼkan uni doe Soetanren kana, ente Soetan do etohopʼ khongeye kạiyeda. Ar Soetan kạmi marao giḍikakʼ lạgitʼge Isorren Hopon doe sodor akana.

Jakob 2:19

Am do mitʼ Isorrem pạtiạu akana? Bhagegea! Menkhan bạṛicʼ jiuko hõ coṅ ona mako pạtiạukʼkan ar botorteko dhak dhakaokʼkan.

Luk 8:27

Ado Jisu lạukạ khone pheḍgotʼen khan onḍenicʼ mitʼṭen hoṛ do uni ṭhene hecʼena. Uni hoṛ do ạḍi utạr bhutko capaṛ akawade tahẽkana ar ḍher din khon kicricʼko hõ bae horokʼ bandeyetʼ tahẽkana, ar oṛakʼre tahẽ baṅkate mạ̃ṛĩ poḍakoregeye tahenkan tahẽkana.

Luk 8:29

Uni hoṛ do noa iạtegeye menkeda, ente Jisu do bạṛicʼ jiu uni khon oḍok calakʼe hukumade tahẽkana. Ar bạṛicʼ jiu do ghane ghạṛicʼ uni hoṛe sapʼ tirupʼede tahẽkana. Ar sikṛite tolkateko horhoyedekan tahẽkanre hõ uni do onae topakʼetʼ tahẽkana, ar bạṛicʼ jiu hotete hahaṅkar jaegakoreye ạcur baṛaekan tahẽkana.