Luk 7:8 - Santali Common Language New Testament

⁸ Iń do noa kathań baḍaea, ente iń hõ eṭakʼicʼakʼ katha leka calakʼ hoyokʼ tińạ ar sipạhikohõ ińakʼ katha lekako calakʼ kana. Iń do mitʼṭecʼ ‘calakʼiń metae khan’ uni doe calakʼa, ar eṭakʼicʼ ‘hijukʼiń metae khan’ uni doe hijukʼa, ar ińren gutiń metae khan ‘noa kạmime’ uni doe onkaea.”

সান্তালী বাইবেল

⁸ Iń do noa kathań baḍaea, ente iń hõ eṭakʼicʼakʼ katha leka calakʼ hoyokʼtińạ ar sipạhikohõ ińakʼ katha lekako calakʼ kana. Iń do mitʼṭecʼ ‘calakʼiń metae khan’ uni doe calakʼa, ar eṭagicʼ ‘hijukʼiń metae khan’ uni doe hijukʼa, ar ińren gutiń metae khan ‘noa kạmime’ uni doe onkaea.”

Luk 7:8 Referans Kwoze

Kolossiko lạgitʼ Pạul Apostolakʼ ciṭhi 3:22

E golamko ape do jotowakʼre noa dhạrtiren kisạ̃ṛko ṭhen tabe akan tahenpe. Eken mẽtʼ samaṅre golam khaṭaokʼte hoṛ khusi ocoko leka do alo, menkhan khạṭi monte Probhu botorae tulucʼ onkore tabe akan tahenpe.

Aposkạmi 23:17

Unre Pạul do mitʼṭen subedar hohoadeteye metadea, “Nui koṛa do maraṅ subedar ṭhen idiyem. Uni ṭhen thoṛa mementeakʼ menakʼtaea.”

Aposkạmi 25:26

Menkhan maraṅ maharaj ṭhen olokʼ leka nonkan cetʼge bạń ńamleda. Onate iń do Agrippa raj ar sanamko samaṅreń ạguakadea jemonpe kuliyete ol lạgitʼ jãhãnakʼ iń ńam daṛeakʼ;

Aposkạmi 24:23

Uni do Pạul horhoye lạgitʼ subedare hukumadea, menkhan thoṛa sạdhin macha dohoye reakʼ hõe metadea. Ar Pạulren gateko hõ hecʼkate jemon jạruṛleka uniko sapʼ sorae.

Aposkạmi 23:26

“Iń do Klạudius Lusius, maraṅ disạm cakʼlaoicʼ Pheliks ṭhen noa ciṭhiń oletʼkana. Ińakʼ johar ataṅtińme.

Aposkạmi 23:23

Maraṅ subeder do acʼren barea subedar hohoatʼkinteye metatʼkinạ, “Bar sae palṭon, eae gel aswariko ar barsae borlom palṭonko teheń ńindạ are baja okte Kạisạriạte calakʼ lạgitʼ ben sapṛao dohokoa.

Luk 7:7

Onate iń do am ṭhen senokʼ lek hõ bạń bujhạulena. Am do eken katha baṛe roṛgotʼkam, ar inạtege ińren guti doe boge utạrokʼa.

Luk 7:9

Noa katha ańjomkate Jisu doe hahaṛaena ar acʼ pańjayedekanko secʼ beṅgetʼ ạcurkateye menkeda, “Ińiń metapekana, Israelko modre nunạkʼ maraṅ pạtiạu do tishõ bạń ńel akawana.”

Aposkạmi 23:31

Unre maraṅ subedarakʼ hukum leka Pạul do ńindạge ako sãote Antipatris nagraha hạbicʼko idikedea.