Luk 7:38 - Santali Common Language New Testament

³⁸ Ar Jisu tayom secʼre uniakʼ jaṅga ṭhen senkate teṅgoyente rakʼ rakʼte mẽtʼ dakʼte uniakʼ jaṅgakine lohotʼketʼtaea. Inạ tayom uni do acʼakʼ upʼte jaṅgae jotʼketʼtaea ar jaṅgareye cokʼadete ona mahkaokʼ sunume duladea.

সান্তালী বাইবেল

³⁸ Ar Jisu tayom secʼre uniyakʼ jaṅga ṭhen senkate teṅgoyente rakʼ rakʼte acʼakʼ mẽtʼ dakʼte uniyakʼ jaṅgakine lohotʼketʼtaea. Ar inạ tayom uni do acʼakʼ upʼte jaṅgae jotʼketʼtaea ar jaṅgareye cokʼadete ona mahkaokʼ sunume duladea.

Luk 7:38 Referans Kwoze

Jakob 4:9

Dukre bhabnakʼpe ar hae haeyokʼre rakʼjoṅpe. Apeakʼ landa do hae haete sodorpe ar rạskạ bodol do dukokʼpe.

Luk 6:21

Bhạgangeape, ape okoe ńit reṅgecʼetʼpe, ente ape dope bi ocokʼa. Bhạgangeape, ńitpe rakʼjoṅ kanko do, ente ape dope landa joṅa.

Mathae 5:4

Dukokʼkogeko bhạgana, ente onko do jiwi raṛecʼko ńama.

Luk 22:62

Unre Patras do bahrete senkate ạḍiye rakʼkeda.

Luk 7:37

Ona atore mitʼṭen bạṛicʼ maejiue tahẽkana. Ar Jisu do Phạrusiakʼ oṛakʼre jom lạgitʼe calao akana menteye baḍaeketʼ khan uni do mitʼṭen ponḍ dhiri cukạkʼte mahkaokʼ sunume idi darakeda.

Luk 7:39

Ado okoe Phạrusi Jisui neotalede uni do noa ńelte mone monteye menkeda, “Nui hoṛ do nạbiye tahẽnlen khane baḍae daṛekea, cetʼ lekan maejiu jaṅgae joṭetʼetʼtaea mente; ente maejiu doe bạṛicʼge.”

Johan 11:2

Nui doe uni Mạriạm kana one okoe do Probhuakʼ jaṅgare mahkaokʼ sunume ojokʼade tahẽkante acʼakʼ upʼte jaṅgakine jotʼletʼtae. Ar ruạte okoeye kạhil akan tahẽkan nui Lasar do Mạriạmren boehae tahẽkana.