Luk 7:34 - Santali Common Language New Testament

³⁴ Ar Manwa Hopon do hecʼkateye jom ńũiyetʼtepe meneda, ‘ńelepe, uni do lebṛa ar ńu bhuteṛicʼ, mạsul uṭhạuko ar boṅgan hoṛkoren gatege.’

সান্তালী বাইবেল

³⁴ Ar Manwa Hopon do hecʼkateye jom ńũiyetʼtepe meneda, ‘ńelepe, uni do lebṛa ar ńu bhuteṛicʼ, mạsul uṭhạuko ar boṅgan hoṛkoren gate kanae.’

Luk 7:34 Referans Kwoze

Luk 15:2

Onate Phạrusiko ar sostor baḍaeko do noa menkate karacʼ kurujokʼko ehopʼena, “Nui hoṛ do kại hoṛko sãoteye gatekʼkana are jom ńũyeda.”

Johan 12:2

Onḍe onko do Jisu lạgitʼ jomakʼko tearkeda. Ar Martha doe sapʼsorako kan tahẽkana. Ar okoeko Jisu tulucʼ jojomko duṛupʼ akan tahẽkan onko modre Lasar hõe tahẽkana.

Luk 19:7

Ar ona ńelte sanamkoge karacʼ kurujokʼko ehopʼena arko menkeda, “Uni do mitʼṭen kại hoṛ ṭhen peṛakʼ lạgitʼe calakʼ kana.”

Luk 14:1

Mitʼ jirạukʼ mãhãre Jisu do Phạrusikoren mitʼṭen mukhiyạ hoṛakʼ oṛakʼte jom lạgitʼe calaoena. Unre Phạrusiko do Jisu mońjteko tạnkhiyede tahẽkana.

Luk 7:36

Mitʼṭen Phạrusi hoṛ do Jisu acʼ ṭhen joma menteye neotakedea. Unre Jisu do uniakʼ oṛakʼte senkate jojome duṛupʼena.

Luk 5:29

Tayomte Lewi do acʼakʼ oṛakʼre Jisu lạgitʼ maraṅ okocʼe bhojkeda. Ar onko soṅgete ạḍi utạr mạsul uṭhạuko ar eṭakʼko hõ jojomko duṛupʼena.

Mathae 9:11

Ona ńelte Phạrusiko do Jisuren celakoko metatʼkoa, “Aperen Guru do mạsul uṭhạuko ar bạṛicʼ hoṛko tulucʼ cedakʼe jom ńũiyeda?”

Johan 2:2

Ona baplare Jisu ar acʼren celako hõko neota ocoakan tahẽkana.

Luk 11:37

Ado Jisu katha roṛe mucạtʼketʼ khan mitʼṭen Phạrusi hoṛ do jom ocoye lạgitʼe neotakedea. Unre Jisu do bhitrite bolokate jojome duṛupʼena.

Mathae 5:46

Okoe apeko dulạṛetʼpe eken onkogepe dulạṛetʼko khan enḍekhan cetʼ kuṛại menakʼtapea? Mạsul uṭhạuko hõ cetʼ bako onkayeda?

Mathae 11:19

Ar Manwa Hopon do hecʼkateye jom-ńũyetʼte hoṛkoko meneda, ‘hạni ńelepe, mitʼṭen lebṛa ar darkha rasa hoṅgoricʼ, mạsul uṭhạuko ar bạṛicʼ hoṛkoren gate.’ Menkhan ạkil je khạṭige ona reakʼ porman do acʼakʼ kạmikorege menakʼa.”

Luk 7:33

Johan bạbạptisicʼ do hecʼkate piṭhạ ar darkha rasa bae jomletʼtepe menkeda, ‘unire do bhut menaea.’

Luk 7:35

Menkhan okoe akel reakʼ gobolreko calakʼkan, onkoakʼ jiongeye sạbudetʼ kana, akel do khạṭigea mente.’’