Luk 3:3 - Santali Common Language New Testament

³ Unre Johan do Jordan gaḍa beṛhaeteakʼ sanam jaegakore senkate porcare ehopʼena jemon hoṛko kại khon monko ạcurte ikạko ńam, ar ona reakʼ cinhạ lekate bạptismako ataṅ.

সান্তালী বাইবেল

³ Unre Johan do Jordan gaḍa beṛhaeteakʼ sanam jaegakore senkate porcare ehopʼena jemon hoṛko kại khon monko ạcurte ikạko ńam, ar ona reakʼ cinhạ lekate bạptismako ataṅ.

Luk 3:3 Referans Kwoze

Luk 1:77

Am do uniren hoṛkom baḍae ocokoa, cetʼ leka aboren Isorakʼ mãyãte kại reakʼ ikạ ńamokʼte kại khon bańcao bon ńama. Uniakʼ mãyãte serma khon mitʼṭen jolokʼkan marsal abo cetanreye pheḍ hijukʼ kana,

Aposkạmi 22:16

Am do ńitokʼ cedakʼem bilomeda? Ma beredokʼte bạptis ocokʼme ar uniakʼ ńutum dohaeakʼme ar amakʼ joto kạiko ạrupʼ saphaetam.’

Aposkạmi 19:4

Khan Pạule metatʼkoa, “Kại khon mon ạcurkate okaṭakʼ bạptisma ataṅokʼ, ona do Johanakʼ bạptisma kana. Johan do hoṛkoe metatʼko tahẽkana, acʼ tayomte okoeye daraekan unire, metakʼme Jisure jemonko pạtiạukʼ.”

Aposkạmi 13:24

Jisu hijukʼ lahare sanam Israelko ṭhen Johan do noa menteye porcarleda je, hoṛko do kại khon mon ạcurkate bạptisma hatao lek takoa.

Johan 3:26

Onko do Johan ṭhen hecʼenteko menkeda, “E Guru, okoe do Jordan hanasare am sãoteye tahẽkan ar okoeṭakʼ reakʼ goham emletʼ, ńelme, uni doe bạptisetʼkoa ar sanam hoṛ uni ṭhengeko calakʼkana.”

Mathae 3:11

Monpe ạcurakatʼte dakʼteń bạptisetʼpea, menkhan iń tayomte okoeye daraekan uni do iń khone daṛegea. Iń do uniakʼ panahi teweńtae lek hõń baṅkana. Uni do sonot Jiu ar seṅgelteye bạptispea.

Johan 1:28

Noa do Jordan gaḍa eṭakʼ aṛe reakʼ Bethaniạ atore hoelena one okare Johan doe bạptisetʼko tahẽkan.

Luk 1:16

Israelko modren ḍherkoge akoren Probhu Isor secʼe ruạṛ ạgukoa.

Luk 4:1

Jisu do sonot Jiuteye perecʼen khan, Jordan gaḍa khone calaoena. Ar sonot Jiu reakʼ ạyurte pongel din hạbicʼ hahaṅkar jaegakoreye tahẽyena.