Luk 3:23 - Santali Common Language New Testament

²³ Jisu do pegel serma gan umer tahẽkanre acʼakʼ kạmiye ehopʼkeda. Hoṛko bujhạure uni do Josephren hopone tahẽkana. Joseph do Eliren hopone tahẽkana;

সান্তালী বাইবেল

²³ Jisu do pegel serma umer tahẽkantaere acʼakʼ kạmiye ehopʼkeda. Hoṛkoakʼ bujhạure uni do Josephren hopone tahẽkana. Ar Joseph do Eliren hopone tahẽkana;

Luk 3:23 Referans Kwoze

Mathae 13:55

Nui do cetʼ kaṭmistiriren hopon doe baṅkana? Uniren eṅgat do cetʼ Mạriạm doe baṅkana? Ar uniren boehako do cetʼ Jakob, Joseph, Simon ar Jihudạ, doko baṅkana?

Aposkạmi 1:1

Manotan Theophil, Jisu sermate ạuriye rakapʼ ocokʼ hạbicʼ okakoe kạmiletʼ are cetʼkokan tahẽkan ona reakʼ sanamakʼge ińakʼ lahateakʼ puthireń ol akada. Uni do okoeko celakoe bachaowan tahẽkan, onko do acʼ sermate ạuriye rakapʼ ocokʼre sonot Jiu hoteteye hukumatʼko tahẽkana.

Johan 6:42

Khan onko mukhiạko do memenko ehopʼena, “Nũi do cetʼ Josephren hopon Jisu doe baṅkana? Nuiren go-babakin ma coṅ bon oromakatʼ kinge. Enḍekhan cekateye meneda, ‘iń do serma khoniń pheḍ hecʼakana?’ ”

Luk 4:22

Ar sanam hoṛ do uniko sabasiadea ar uniakʼ moca khon oḍokokʼkan mońj mońj katha ańjomteko hahaṛayena. Onkoko menkeda, “Nui do cetʼ Josephren hopon doe baṅkana?”

Mark 6:3

Nui do cetʼ uni kaṭmistiri doe baṅkana? Nui do cetʼ Mạriạmren hopon doe baṅkana? Jakob, Joses, Jihudạ ar Simon takoren boeha doe baṅkana? Uniren miserako cetʼ nonḍe abo talare bạnukʼkoa?” Nonkage hoṛko do Jisu iạte monre tạkijokʼko ehopʼena.

Mathae 4:17

Un khon Jisu do nonka menkate porcare ehopʼena, “Kại khon mon ạcurtape, ente serma raj do sorakana.”

Mathae 1:16

Jakob do Mạriạmren jãwãe Joseph jonome emadea; ar nui Mạriạm khonge Mạsiko metae Jisu doe janamlena.

Luk 3:31

Eliạkim do Melearen hopon, Melea do Mennaren hopon, Menna do Mathatharen hopon, Mathatha do Nathanren hopon, Nathan do Dạudren hopon;

Mathae 1:6

Ar Jisại do Dạud raj jonome emadea. Dạud do Solomon jonome emadea; Uriạ rinicʼ hotete;

Mathae 1:1

Jisu Mạsi do Dạudakʼ bõsren ar Dạud do Abraham bõsren hoṛe tahekana. Jisu Mạsi reakʼ bõs budạ do nonkaleka.

Luk 2:48

Ar uniren eṅgat-apat do uni ńelkatekin hahaṛayena. Eṅgattetʼ do uniye metadea, “E Beṭa, cedakʼem nonkaketʼ bona? Am baba ar iń do ạndukʼ mạndukʼliń sendra baṛayetʼmea.”

Johan 1:45

Philip do Nathanaele sendra ńamkedeteye metadea, “Mose do okoeakʼ katha ạn-ạrikoreye ol oṭo akatʼ ar nạbiko hõ okoe reaṅko olakatʼ uni do alele ńam akadea. Uni do Nasareth atoren Josephren hopon Jisu kanae.”