Luk 24:36 - Santali Common Language New Testament

³⁶ Ado noako reaṅko galmaraokan tahẽkanre Jisu do hecʼkate onko talare teṅgoyente sanamkoe metatʼkoa, “Suluk ape ma.”

সান্তালী বাইবেল

³⁶ Ado noako reaṅko galmaraokan tahẽkanre Jisu do hecʼkate onko talare teṅgoyente sanamkoe metatʼkoa, “Suluk ape ma.”

Luk 24:36 Referans Kwoze

2 Thessalonikiko 3:16

Sulukren Probhu do acʼge sanam okte jotowakʼre suluke dan ape ma. Probhu do ape sanamko tulucʼe tahenma.

Luk 10:5

Ar jãhã oṛakʼregepe bolokʼ pạhil do menpe, ‘noa gharońjrenko sulukapema.’

Mark 16:14

Inạ tayom Jisu do acʼren gelmitʼ celako ṭhene ńel ocoyena. Unre onko doko jojomkan tahẽkana. Ar onkoakʼ bepạtiạu ar keṭecʼ mon iạte uni doe nisrạuketʼkoa, ente gocʼko khone jiwetʼ beretʼen tayom okoeko ńellede onkoakʼ katha bako pạtiạuatʼ tahẽkana.

Johan sodor 1:4

Iń Johan do Ạsiạ reakʼ eae goṭen manḍerko ṭheniń oleda. Okoe menae, okoeye tahẽkan ar okoeye hijukʼkan uni ar uniakʼ siṅghạson samaṅre okoe eae goṭen Jiuko tahenkan, onko ar Jisu Mạsi do daya ar sulukko dan apema.

1 Korinthiko 15:5

uni do Patras ar tayomte acʼren apostolko ṭhene ńel ocoyena.

Johan 20:26

Ado niạ mitʼ hapta tayom celako do arhõ oṛakʼ bhitrire mitʼ ṭhenko jarwayena, ar Thoma hõ onko sãoteye tahẽkana. Unre silpińko sińge tahẽkanre hõ Jisu do hecʼkate onko talare teṅgoyenteye metatʼkoa, “Suluk ape ma.”

Johan 16:33

Iń do noakoń lạiatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Johan 14:27

“Iń do ape lạgitʼ suluk iń doho oṭokakʼ kana, ińakʼ sulukge apeń emape kana; dhạrti cetʼ lekae emokʼkan onka do bạń emokʼ kana. Apeakʼ ontor do alo khad badaokʼtapema ar monre botor hõ alo tahentape ma.

Mathae 10:13

Judi ona oṛakʼ lekgepe bujhạu enḍekhan apeakʼ suluk do ona oṛakʼre paṛaokʼma. Menkhan ona oṛakʼ lek leka bape bujhạu enḍekhan apeakʼ suluk do ape ṭhenge ruạṛ hijukʼma.

Aposkạmi 1:3

Uni do acʼakʼ duk jom tayom nokoko hoṛ ṭhengeye ńel ocolena ar uni je jiwetʼge menae ona reakʼ ạḍi utạr biswạsteakʼ pormane emakada. Uni do pon gel din hạbicʼ celako ṭhene ńel ocoyente Isorakʼ raj reaṅe lạiatʼko tahẽkana.

1 Korinthiko 15:7

Ona tayom uni do Jakob ar tayomte sanam apostolko ṭhene ńel ocoyena.