Luk 23:50 - Santali Common Language New Testament

⁵⁰ Joseph ńutuman mitʼṭen bhage ar dhorom hoṛ do maraṅ bạisiren sosolhaicʼe tahẽkana. Uni do Arimạthiạko metakʼ Jihudikoakʼ mitʼṭen atoren hoṛe tahẽkana.

সান্তালী বাইবেল

⁵⁰ Joseph ńutuman mitʼṭen bhage ar dhorom hoṛ do maraṅ bạisiren sosolhaicʼe tahẽkana. Uni do Arimạthiạko metakʼ Jihudikoakʼ mitʼṭecʼ atoren hoṛe tahẽkana.

Luk 23:50 Referans Kwoze

Aposkạmi 11:24

Barnabas do mitʼṭen bhage hoṛe tahẽkana uni do sonot Jiu ar biswạste hõ perecʼ akane tahẽkana. Unre Probhu do ḍher hoṛge acʼ apnar ṭhene ạguletʼkoa.

Aposkạmi 10:22

Onko hoṛko menkeda, “Subedar Korneliusge ale doe kolakatʼlea. Uni do mitʼṭen dhorom ar Isor bhokti hoṛ kanae. Ar sanam Jihudikoge uniko sarhaoede kana. Isorren mitʼṭen goḍet do uniye hukumade tahẽkana jemon acʼakʼ oṛakʼte ame hoho idi ocomete amakʼ kathakoe ańjomtam.”

Aposkạmi 10:2

Uni do Jihudi hoṛe baṅkanre hõ Isor bhokti hoṛe tahẽkana ar acʼ gharońjren sanamkoge Isorko sewawaekan tahẽkana. Uni do reṅgecʼ orecʼko ṭaka-poesakoe dan akokan tahẽkana ar Isor ṭhen jaogeye koejoṅkan tahẽkana.

Luk 2:25

Unre Jerusalemre Simon ńutuman mitʼṭen dhorom ar Isor bhokti hoṛe tahẽkana. Uni do Israelkoakʼ jiwi raṛecʼe ńel hohorkan tahẽkana.

Aposkạmi 13:29

Sonot sostorre uni reaṅ cetʼko ol tahẽkan ona sanamakʼ purạuen khan onko do krus khon pheḍkedeteko topakadea.