Luk 23:2 - Santali Common Language New Testament

² Onko do noa menkate Jisu birudre lạlisaeko ehopʼena, “Alele ńel akadea, nui hoṛ do aleren hoṛko raj birudreye bhiṅgṛạuetʼkoa. Uni do maharaj khajna emaye baronetʼkoa ar acʼge Mạsi ar mitʼṭen raje ńumogokʼ kana.”

সান্তালী বাইবেল

² Onko do noa menkate Jisu upạrte lạlisaeko ehopʼena, “Alele ńelakadea, nui hoṛ do aleren hoṛko raj upạrteye bhiṅgṛạuetʼkoa. Uni do maharaj khajna emae lạgitʼe baronetʼkoa ar acʼge Mạsi ar mitʼṭen raje ńumogokʼ kana.”

Luk 23:2 Referans Kwoze

Johan 19:12

Noa ańjomkate Pilạt do Jisu aṛage lạgitʼe kurumuṭukeda, menkhan Jihudi mukhiạko do hohoateko menkeda, “Nuiyem aṛakʼ lekhan enḍekhan maharaj Kạisạrren gate dom baṅkana. Jãhãege acʼte raj menteye benaokʼ khan uni do Kạisạrren bạiri kanae.”

Luk 23:14

“Ape do noa dusiyete iń ṭhenpe ạguakadea baṅma uni do raj birudre hoṛkoe idiyetʼkoa. Menkhan iń do ape samaṅreń kuliakadea. Ar uni birudre okako gohape emetʼkan ona reakʼ mitʼṭente hõ dusireye paṛaokʼa mente jãhãn porman bạń ńameda.

Aposkạmi 24:5

“Alele ńṭoṭhadea nui hoṛ do mitʼṭen jhamelayicʼ kanae; uni do jao okte gulmale ehopʼeda. Uni do goṭa dhạrtiren Jihudiko talare gulmale ehopʼakada. Uni do Nasario dolren mitʼṭen ạyuricʼ kanae.

Johan 18:30

Jihudi mukhiạkoko menkeda, “Bạṛicʼakʼ bae kạmile khan am ṭhen do ohole ạgukea.”

Mark 12:17

Jisui metatʼkoa, “Okaṭakʼ maharajakʼ kan ona do maharajge emaepe, ar okaṭakʼ Isorakʼkan ona do Isorge emaepe.” Jisuakʼ noa katha ańjomkateko hahaṛayena.

Mathae 22:21

Adoko menkeda, “Romren maharajakʼ.” Jisui metatʼkoa, “Enḍekhan okaṭakʼ maharajakʼkan ona do maharajge emaepe, ar okaṭakʼ Isorakʼkan ona do Isorge emaepe.”

Aposkạmi 24:13

Ar okaṭakʼ reakʼko dusiyedińkan ona reakʼ porman hõ onko do bako udukʼ daṛeama.

Luk 23:5

Menkhan onko do artetʼ ãṭ aṛaṅte memenko ehopʼena, “Jihudi Prodes reakʼ sanam jaegareye cetʼakokante hoṛkoe ạulạuetʼkoa. Uni do Gạlil khon ehopʼkate ńitokʼ do nonḍeye hecʼakana.”

Mathae 17:27

Menkhan alaṅ iạte jemon khajna uṭhạuko aloko tạkijokʼ onate doreãote calakʼme ar bạ̃ṛsi caḍoeme, ar pạhilre okoeṭakʼ hakom rakabe unim or cahapʼle khan mitʼṭecʼ rupạ reakʼ ṭakam ńama. Ar ona hataokate iń ar am ńutumte khajna em oṭokakʼme.”

Mathae 27:11

Jisu do disạm cakʼlaoicʼ Pilạt samaṅreko teṅgokedea. Unre Pilạt do Jisui kulikedea, “Am do cetʼ Jihudikoren raj kanam?” Jisui roṛ ruạṛkeda, “Am do ṭhikgem meneda.”

Mark 15:2

Pilạt do Jisui kulikedea, “Am do cetʼ Jihudikoren raj kanam?” Jisui roṛ ruạṛkeda, “Am do ṭhikgem menakada.”

Johan 18:29

Unre Pilạt do onko ṭhen bahrete oḍok hecʼenteye metatʼkoa, “Nui hoṛ do cetʼe dos akatʼtepe dusiyede kana?”

Romiko lạgitʼ Pạul Apostolakʼ ciṭhi 13:7

Okoeakʼ oka paona ona emkataepe. Khajna hataoicʼ do khajna; mạsul uṭhạuicʼ do mạsul; botorae lekicʼ do botor; ar manot emae lekicʼ do manot emaepe.