Luk 23:13 - Santali Common Language New Testament

¹³ Unre Pilạt do maraṅ naekeko, mukhiyạko ar sanam hoṛko hoho jarwakateye metatʼkoa,

সান্তালী বাইবেল

¹³ Unre Pilạt do maraṅ naekeko, mukhiyạko ar sanam hoṛko hoho jarwakateye metatʼkoa,

Luk 23:13 Referans Kwoze

Johan 18:38

Pilạt do uniye metadea, “Sạriakʼ do cetʼ kana? Noa katha menkate uni do arhõ bahrete senkate Jihudi mukhiyạkoe metatʼkoa, “Iń do nuiakʼ cetʼ dosge bạń ńametʼtaea.

Mark 15:14

Pilạte metatʼkoa, “Cedakʼ, cetʼe dosakatʼte?” Menkhan hoṛko do artetʼ ãṭ aṛaṅte hohoate memenko ehopʼena, “Uni do krus kaeme.”

Johan 19:4

Pilạt do arhõ bahrete oḍok hecʼkate hoṛkoe metatʼkoa, “Ńelpe, ape ṭheniń oḍok ạguyedea jemonpe bujhạu daṛeakʼ, uniakʼ jãhãn dosge bạń ńametʼtaea.”

Luk 23:35

Ar hoṛko do teṅgokateko ńeńelkan tahẽkana. Sostor baḍaeko do Jisu siṛogadeteko menkeda, “Uni ma eṭakʼkoe bańcaoetʼko tahẽkan. Uni do Mạsi, Isorren bachaoicʼ kanae menkhan; acʼ baṛeye bańcaokʼma!”

Luk 24:20

Aleren maraṅ naekeko ar sostor baḍaeko do Romren hoṛkoakʼ tireko soprotledea jemon bicạrete gujukʼ sạjạiko emae. Ar Jihudi mukhiyạko do uniko kruskedea.

Johan 3:1

Phạrusiko modre Nikodemus ńutuman Jihudikoren mitʼṭen mukhiạ hoṛe tahẽkana.

Johan 7:26

Menkhan uni ma khulạsate kathae roroṛkan, ar mukhiạko hõ coṅ cetʼge bako metaekan. Enḍekhan onko do cetʼ sạrigeko baḍae oromkedea, nui doe Mạsi kana mente?

Johan 7:48

Mukhiyạko se Phạrusiko modren okoe hõ coṅ unirema bacoko pạtiạu akan.

Johan 12:42

Enre hõ mukhiạko modren ḍher hoṛge unireko pạtiạuena, menkhan Phạrusiko ṭhen biṭlạha ocokʼ botorte bako aṅgocleda.

Aposkạmi 3:17

“E boehako, ńitokʼ ińiń baḍaea aperen murubiko leka ape hõ begor bujhạutege Jisupe krusledea.

Aposkạmi 4:5

Ado dosar hilokʼ Jihudikoren maraṅ naekeko, murubiko ar sostor baḍaeko do Jerusalemreko jarwa mitʼena.

Aposkạmi 4:8

Unre Patras do sonot Jiuteye perecʼente onkoe metatʼkoa, “Maraṅ naekeko ar murubiko,

Aposkạmi 13:27

Jerusalemren hoṛko ar onkoren mukhiyạko do Jisu bako oromledea. Noa chaḍa nạbikoakʼ okaṭakʼ katha jirạukʼ mãhãre jaoge paṛhao idikʼkan tahẽkan, ona katha hõ onko do bako bujhạu daṛeada; onate Jisuko dusikedete ona kathako purạukeda.