Luk 22:38 - Santali Common Language New Testament

³⁸ Unre celakoko menkeda, “E Probhu, ńelme, nonḍe do barea tarwaṛe menakʼa.” Jisui roṛ ruạṛatʼkoa, “Inạge ḍhera.”

সান্তালী বাইবেল

³⁸ Unre celakoko menkeda, “E Probhu Isor, ńelme, nonḍe do barea tarwaṛe menakʼa.” Jisui roṛ ruạṛatʼkoa, “Inạge ḍhera.”

Luk 22:38 Referans Kwoze

Luk 22:49

Ado Jisu beṛhaete okoeko tahẽkan onko do cetʼ hoe lạgidokʼ kana menteko bujhạukeda. Onate onko do Jisuko metadea, “E Probhu, ale do cetʼ tarwaṛele calaoa?”

Johan 18:36

Jisui menkeda, “Ińakʼ raj do noa dhạrti reakʼ do baṅkana. Ente noa dhạrti reakʼ tahẽlen khan enḍekhan ińren hoṛko lạṛhạikokʼa jemon Jihudi mukhiạkoakʼ tire aloń paṛaokokʼ; menkhan ińakʼ raj do nonḍenakʼ do baṅkana.”

1 Patras 5:9

Pạtiạure jamaṛ akae tahente Soetan teṅgo daramepe, entepe baḍaegea, goṭa dhạrtire aperen biswạsi boehako do inạ mitʼ lekan duk sasetgeko jomeda.

1 Thessalonikikko 5:8

Menkhan abo do sińren hoṛ kanabon; onate koṛam aḍ lạgitʼ pạtiạu ar dulạṛte koṛam aḍkate ar bohokʼ aḍ lạgitʼ bańcaokʼ reakʼ as bohokʼre horokʼkate delaṅ apnar bon sambṛaokʼma.

Mathae 26:51

Jisu soṅgete tahẽkanko modren mitʼ hoṛ do acʼakʼ tarwaṛeye oḍokkeda ar maraṅ naekeren gutiyakʼ mitʼṭen luture heseketʼtaea.

Luk 22:36

Jisui metatʼkoa, “Menkhan ńitiń metapekana, jãhãege ṭaka reakʼ thạilạkʼ se khuti menakʼtae khan uni doe iditora joṅma. Ar okoeakʼ tarwaṛe bạnukʼtae uni do acʼakʼ oyonakʼ ạkhrińkate mitʼṭen tarwaṛeye kirińjoṅ ma.