Luk 22:32 - Santali Common Language New Testament

³² Menkhan iń do am lạgitʼ iń koeyeda, jemon amakʼ biswạs alo ḍigạukʼtam. Am do iń ṭhenem ruạṛ hijukʼre amren noko boehakom keṭecʼkoa.”

সান্তালী বাইবেল

³² Menkhan iń do am lạgitʼ iń koeyeda, jemon amakʼ biswạs alo ḍigạukʼtam. Am do iń ṭhenem ruạṛ hijukʼre amren noko boehakom keṭecʼkoa.”

Luk 22:32 Referans Kwoze

Romiko lạgitʼ Pạul Apostolakʼ ciṭhi 8:34

Ar okoe hale onko do dusi menteye ṭahraokoa? Okoeye gocʼlen ar gocʼko khone jiwetʼ beretʼ ocoyen uni Mạsi Jisu do ńitokʼ Isorakʼ jojomsa aṛere menaea ar abon lạgitʼe nehõrokʼ kana.

Ibriko 7:25

Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

2 Patras 3:14

E dulạṛiạ boehako, ape do ńitokʼ noako lạgitʼpe koyokʼ horetʼkante murukte kurumuṭuipe jemon uni do niphuṭ ar dhoromre sulukte tahẽakane hecʼńampe.

1 Patras 1:5

Ar purạ puri bańcao ạuripe ńam hạbicʼ Isorakʼ daṛete biswạs hotete ape dope horho jaṅge ocoakana. Ar mucạtʼ oktere sodorokʼ lạgitʼ ona bańcaokʼ reakʼ do tear dohoakana.

Luk 8:13

Dhiri hasare ńũren itạte do onko lạgitʼge roṛ akana, okoe do katha ańjomkate rạskạteko ataṅetʼkan, menkhan onkore ona reakʼ rehetʼ do mońjte baṅ bạisạukʼ kana. Onate onko do thoṛa din lạgitʼko pạtiạukʼkana, menkhan biḍạureko paṛaolen khan doko pạcokʼ kana.

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

1 Patras 1:13

Onate monre paṭhe keṭejokʼpe ar apnarte sambṛaokʼpe. Jisu Mạsiye sodorokʼre okaṭakʼ bhorpe ńam, ona lạgitʼ purạ puri as dohoete koyokʼ hor akae tahenpe.

Ibriko 12:15

Ńelpe, okoe hõ jemon Isorakʼ daya khon aloko eṛanokʼ. Ar hewer haṛhatʼ dare reakʼ rehetʼ leka omon rakabokʼte okoe hõ jemon duk janam ocoete ḍher hoṛ aloko bhõnḍko.

Mathae 18:3

“Sạrigeń metapekana, mon ạcurkate kạṭicʼ gidrạko leka bape hoelen khan serma rajre ohogepe bolo daṛelena.

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.

Johan 14:19

Ar thoṛa ghạṛicʼ khange dhạrtiren hoṛko do ar bako ńel ńameńa, menkhan ape dope ńeleńgea. Iń do jiwetʼge minạńte ape hõ jiwetʼpe tahena.

Mark 14:72

Ar unrege sim sạnḍi do dosar dhaoe rakʼgotʼkeda. Ar unre Patras do ona katha disạ hecʼadea one Jisui metade tahẽkan, “Sim sạnḍi bar dhao ạuriye ragre am do pe dhaoem baṅeńa.” Onate uni do hũk hũke rakʼkeda.

Mark 16:7

Ape do senkate uniren celako ar Patras hõ noa katha lạiaepe je, onko lahate uni do Gạlilteye calakʼkana. Ar cetʼlekae menletʼ onkage onko do onḍeko ńamea.”

Mathae 26:75

Unre Patras do Jisui metade tahẽkan kathae disạkeda, “Sim sạnḍi ạuriye ragre pe dhaoem baṅeńa.” Ar bahrete oḍok senkate uni do hũk hũke rakʼkeda.

1 Patras 1:1

Isorren bachao akan okoeko hoṛ do Pontus, Galatiạ, Kapadokiạ, Asiạ ar Bithuniạ Prodesre chir chạtur akan upriạ hoṛ lekako girạbasokʼkan, onko ṭhen iń Jisu Mạsiren apostol Patras do noa ciṭhiń oleda.

Romiko lạgitʼ Pạul Apostolakʼ ciṭhi 8:32

Isor do acʼren Hopon hõ bae mãyãwadea bickom abo sanamko lạgitʼ gujukʼ tireye emkedea. Enḍekhan uni do cetʼ Hopon sãote ar sanamakʼko bae danabona?

Titus lạgitʼ Pạul Apostolakʼ ciṭhi 1:1

Iń Pạul do Isorren golam ar Jisu Mạsiren mitʼṭen apostoliń hoeakana, jemon Isorre bachao hoṛko biswạs reakʼ horteń ạgu daṛeako, ar Isor bhokti sãote oka sạriakʼtetʼ menakʼ ona baḍae lạgitʼ iń goṛo daṛeako.

2Timothi 2:18

Nukin do Isorakʼ sạriakʼ khonkin sạṅgiń akana. Unkin dokin meneda, biswạsiko do gocʼko khon laharegeko beretʼakana. Nukin do adomkoakʼ biswạskin nosṭoyetʼtakoa.