Luk 21:8 - Santali Common Language New Testament

⁸ Jisui roṛ ruạṛatʼkoa, “Ńelpe, okoe hõ jemon aloko bulạupe, ente ḍher hoṛge iń ńutumte hecʼkateko metapea, ‘iń kangeạń’ ar ‘okte do sorakana.’ Onko do alope pańjakoa.

সান্তালী বাইবেল

⁸ Jisui roṛ ruạṛatʼkoa, “Ńelpe, okoe hõ jemon aloko bulạupe, ente ḍher hoṛge iń ńutumte hecʼkateko metapea, ‘iń kangeạń’ ar ‘okte do sorakana.’ Onko do alope pańjakoa.

Luk 21:8 Referans Kwoze

1 Johan 4:1

E dulạṛiạ gidrạkotiń, joto Jiu do alope pạtiạu akoa, bickom biḍạu aṭkarkope onko do Isor khonko hecʼakana se baṅ, ente dhạrtire aema eṛe nạbikoko oḍok akana.

2 Thessalonikiko 2:3

Okoe hõ jemon aloko bulạupe, ente ona din hijukʼ lahare Isor birudre maraṅ bhiṅgṛạu hoyokʼa, ar uni nonosṭoren hopon, one okoe do maraokʼ reakʼ katha menakʼtae uniye sodorokʼa.

Ephesiko lạgitʼ Pạul Apostolakʼ ciṭhi 5:6

Ạuṛi sạuṛi kathate okoe hõ alo jemonko bulạupe, ar eṭakʼ horte aloko idipe, ente okoe bebatao iạte onakoko kạmi onkorege Isorakʼ sạjại do paṛaokʼa.

Mathae 24:11

Ạḍi utạr eṛe nạbikoko hijukʼa ar aema hoṛko bulạukoa.

2Timothi 3:13

Menkhan bạṛicʼko ar bhõnḍko do din din artetʼgeko bạṛicʼ idikʼa. Onko do eṭakʼko bhul horteko idikoa ar apnarhõ bhul horteko calakʼa.

2 Johan 1:7

Dhạrtire nonkan aema hoṛko oḍok akana okoe doko bulạuko kan. Ente Jisu Mạsi manwa lekateye hecʼlen ona do bako aṅgoceda. Ar nonkan bulạukan hoṛge Mạsiren do bạiri kanako.

Luk 17:23

Ar hoṛkoko metapea, ‘hanḍe ńelepe’ se ‘nõkʼõe nonḍe ńelepe.’ Unre bahrete do alope oḍokokʼa se alope pańjakoa.

Johan sodor 12:9

Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.

Mathae 4:17

Un khon Jisu do nonka menkate porcare ehopʼena, “Kại khon mon ạcurtape, ente serma raj do sorakana.”

Johan sodor 1:3

Ar Isorakʼ okaṭakʼ katha nonḍe olakan, ar okoe noae paṛhao uni doe bhạgangea ar okoe onako ańjom arko manao onko hõko bhạgangea, ente okte do hecʼ seṭer akana.

Johan 8:24

Onateń metapekana, ape do apeakʼ kạirepe gujukʼa. Ar ińkangeạń mente bape pạtiạukʼ kan khan apeakʼ kạiregepe gujukʼa.”

Johan 5:43

Iń do ińren Baba ńutumteń hecʼakana ar bape aṅgocedeń kana; menkhan eṭakʼ jãhãe acʼ nijakʼ ńutumteye hecʼlen khan uni dope aṅgocea.

Mathae 3:2

“Mon ạcurtape, ente serma raj do sorakana.”

Luk 21:7

Celako do Jisuko kulikedea, “E Guru, tis noako do hoyokʼa ar okaṭakʼ cinhạ ńeltele bujhạu daṛeakʼa, noako hoyokʼ reakʼ okte do seṭer akana mente?”

Luk 21:9

Ape do lạṛhại ar gulmalkope ańjomlere alope botorokʼa, ente pạhilre noako do hoyokʼgea; menkhan unrehõ mucạtʼ do baṅ hoe hodokʼa.”

Johan 8:28

Onate Jisui metatʼkoa, “Manwa Hopon tinre coṭtepe rakabea unrepe baḍae daṛeakʼa, iń doń uni kangea. Ar noa hõpe bujhạu daṛeakʼa iń do ińte cetʼge bạń kạmikana, bickom Baba okae cetʼ akawạdiń onageń roṛeda.

1 Korinthiko 6:9

Ape do cetʼ bape baḍaea, bedhoromko do Isorakʼ raj bako ạidạrijoṅa mente? Alope bulạukʼa; baṅ do loṭghuṭiko, baṅ do boṅga sewako, baṅ do laṭghaṭko, baṅ do laṅcạṅgiạko, baṅ do jojognako;