Luk 2:47 - Santali Common Language New Testament

⁴⁷ Ar okoeko Jisuakʼ kathako ańjometʼkan tahẽkan, onko sanamko uniakʼ akel ńelte ar uniakʼ roṛ ruạṛ ańjomteko ṭhak utạrokʼkan tahẽkana.

সান্তালী বাইবেল

⁴⁷ Ar okoeko Jisuakʼ kathako ańjometʼkan tahẽkan, onko sanamko do uniyakʼ akel ńelte ar uniyakʼ roṛ ruạṛ ańjomteko ṭhak utạrokʼkan tahẽkana.

Luk 2:47 Referans Kwoze

Mathae 7:28

Jisu noako kathae mucạtʼketʼ khan gadel hoṛ do uniakʼ cecetʼakʼteko hahaṛa cabayena,

Luk 4:32

Ar hoṛko do uniakʼ cecetʼakʼteko hahaṛa cabayena, ente uni do ektiạri menakʼtae hoṛ lekae cetʼakokan tahẽkana.

Johan 7:15

“Nui hoṛ do jãhãn sikhnạt bae ńamakatʼre hõ cekate noako reaṅ doe baḍaekana?”

Mark 1:22

Ar uniakʼ cecetʼakʼte hoṛko do ạḍiko hahaṛayena, ente sostor baḍaeko leka do baṅ, bickom ạidạri menakʼtae hoṛ lekae cetʼakokan tahẽkana.

Johan 7:46

Adoko menkeda, “Uni hoṛ cetʼ lekae roṛetʼkan onka do okoe hõ tisge bako roṛakada.”

Luk 4:22

Ar sanam hoṛ do uniko sabasiadea ar uniakʼ moca khon oḍokokʼkan mońj mońj katha ańjomteko hahaṛayena. Onkoko menkeda, “Nui do cetʼ Josephren hopon doe baṅkana?”

Mathae 13:54

Ar inạ tayom do acʼakʼ atote senkate sunạgogre cetʼakoe ehopʼena. Ar uniakʼ katha ańjomkate hoṛko do hahaṛayenteko menkeda, “Noa akel ar hahaṛa kạmiko reakʼ daṛe do oka khone ńamakada?

Mathae 22:33

Noa katha ańjomkate hoṛko do uniakʼ cecetʼakʼteko hahaṛayena.

Mark 6:2

ar uniren celako hõ acʼ soṅgeteko sen torayena. Ado Jirạukʼ mãhã seṭeren khan uni do sunạgogre bolokate cetʼakoe ehopʼena. Ar ḍher hoṛ uniakʼ katha ańjomkate hahaṛayente memenko ehopʼena, “Nui do oka khon noakoe ńamakada? Ar noa akele em ocoakan, noa baṅ cetʼkan? Ar hahaṛa kạmiko hõe kạmi kana.

Mark 11:18

Maraṅ naekeko ar sostor baḍaeko do noa katha ańjomkate Jisu goje lạgitʼ ạt ńam baṛaeko ehopʼena. Onko do Jisuko botoraekan tahẽkana, ente hoṛko do Jisuakʼ cecetʼakʼteko bhaṛo caba akan tahẽkana.

Luk 2:46

Ado pe din tayom unkin do mundilrekin ńamkedea. Uni do guruko talare duṛupʼkate onkoakʼ kathae ańjomkan ar onkoe kuliyetʼko tahẽkana.

Luk 2:18

Gupikoakʼ katha ańjomkate sanamkogeko hahaṛayena;