Luk 2:46 - Santali Common Language New Testament

⁴⁶ Ado pe din tayom unkin do mundilrekin ńamkedea. Uni do guruko talare duṛupʼkate onkoakʼ kathae ańjomkan ar onkoe kuliyetʼko tahẽkana.

সান্তালী বাইবেল

⁴⁶ Ado pe din tayom unkin do mundilrekin ńamkedea. Uni do guruko talare duṛupʼkate onkoakʼ kathae ańjomkan ar onkoe kuliyetʼko tahẽkana.

Luk 2:46 Referans Kwoze

Luk 5:17

Mitʼ din Jisu do hoṛkoe cetʼakokan tahẽkanre Phạrusiko ar sostor baḍaeko hõ onḍeko duṛupʼ akan tahẽkana. Noko do Gạlil ar Jihudạ reakʼ atoko ar Jerusalem nagraha khonko hecʼakan tahẽkana. Ar rugiko bogeko reakʼ Probhuakʼ daṛe do Jisure tahẽkana.

Aposkạmi 5:34

menkhan Gamaliel ńutuman Phạrusi dolren mitʼṭen hoṛ do maraṅ bạisi talareye teṅgoyena. Uni do mitʼṭen sostor baḍae hoṛe tahẽkana ar sanamkoge uniko manotedekan tahẽkana. Uni do apostolko thoṛa ghạṛicʼ bahrere dohoko lạgitʼe hukumkeda.

Mathae 12:40

Cetʼ leka Jona do maraṅ hako lacʼre pe siń ar pe ńindạye tahẽkan, onkage Manwa Hopon hõ pe siń ar pe ńindạ ot bhitrireye tahena.

Mathae 16:21

Un khonge Jisu do acʼren celako lạiakoe ehopʼena je, acʼ do Jerusalemte calakʼ hoyokʼtaea ar murubiko, maraṅ naekeko, ar sostor baḍaeko hotete ạḍi okocʼ duk jojom hoyokʼtaea. Are gocʼ ocokʼa ar pe mãhã hilokʼre gocʼko khon uni do jiwetʼ beredokʼ hoyokʼtaea.

Luk 2:47

Ar okoeko Jisuakʼ kathako ańjometʼkan tahẽkan, onko sanamko uniakʼ akel ńelte ar uniakʼ roṛ ruạṛ ańjomteko ṭhak utạrokʼkan tahẽkana.

Johan 3:10

Unre Jisu do uniye metadea, “Israelkoren guru hoekatere hõ cetʼ noako bam bujhạueda?”

1Timothi 1:7

Onko do nijạrakʼ kathage bako bujhạueda ar okaṭakʼ reaṅ murukteko roṛetʼkan ona do bako baḍaere hõ Moseakʼ ạn-ạriren guru hoyokʼko menjoṅkana.