Luk 18:9 - Santali Common Language New Testament

⁹ Okoe apnarte dhorom menteko hudisokʼkan ar eṭakʼkoko nihạ̃tetʼko onko cetʼako lạgitʼ Jisu do noa kathae lạiatʼkoa:

সান্তালী বাইবেল

⁹ Okoe apnarte dhorom menteko hudisokʼkan ar eṭakʼkoko nihạ̃tetʼko onko cetʼako lạgitʼ Jisu do noa kathae lạiyatʼkoa:

Luk 18:9 Referans Kwoze

Luk 16:15

Unre Jisui metatʼkoa, “Ape do hoṛko samaṅre dhorompe udugokʼ kana, menkhan Isor do apeakʼ mon reakʼe baḍaegea. Ente manwa ṭhen okaṭakʼ manotakʼkan, Isor samaṅre ona do hirkhạwakʼ kana.

Romiko lạgitʼ Pạul Apostolakʼ ciṭhi 10:3

Isor do manwako cetʼ lekate dhorom menteye ataṅkoa ona katha luturakʼ baṅkate onko do akoakʼ kurumuṭute dhorom udugokʼko menjoṅkan tahẽkana. Onatege Isor okaṭakʼ ponthate manwa dhorom menteye aṅgoce ona do bako manaoleda.

Romiko lạgitʼ Pạul Apostolakʼ ciṭhi 14:10

Enḍekhan cedakʼ am do amren boehamakʼ dosem sapʼeda? Ar cedakʼ amren boeha dom nihạtede kana? Bicạr lạgitʼ ma sanamkoge coṅ Isor samaṅre teṅgokʼ hoyokʼ tabon.

Luk 7:39

Ado okoe Phạrusi Jisui neotalede uni do noa ńelte mone monteye menkeda, “Nui hoṛ do nạbiye tahẽnlen khane baḍae daṛekea, cetʼ lekan maejiu jaṅgae joṭetʼetʼtaea mente; ente maejiu doe bạṛicʼge.”

Romiko lạgitʼ Pạul Apostolakʼ ciṭhi 7:9

Ińakʼ jionre ạnko hijukʼ lahare iń do jiwetʼgeń tahẽkana, menkhan hukum hijukʼ são sãote kại hõ jiwetʼ ruạṛena.

Luk 19:7

Ar ona ńelte sanamkoge karacʼ kurujokʼko ehopʼena arko menkeda, “Uni do mitʼṭen kại hoṛ ṭhen peṛakʼ lạgitʼe calakʼ kana.”

Luk 18:11

Khan uni Phạrusi do teṅgokate acʼ babotre nonkae koekeda, ‘E Isor, gunmanao joharam kạnạń, ente iń do eṭakʼ hoṛko leka luluṭicʼ, bedhoromicʼ, ar laṭghaṭicʼ doń baṅkana, se nui mạsul-uṭhạuicʼ leka hõń baṅkana.

Aposkạmi 22:21

“Unre Probhu do ińe metadińạ, ‘Do calakʼme, ente iń do sạṅgińte boṅgan hoṛ jạtrenko ṭheniń kolmea.’ ”

Johan 9:34

Khange mukhiạko doko metadea, “Am ma kạirem janam akan ar alem cetʼale kana?” Noa menkate onko do somaj khonko oḍok gotʼkadea.

Johan 9:28

Onate mukhiạko do ruhạtʼkedeteko metadea, “Am kanam uni hoṛren cela do, menkhan ale do Moseren cela kanale.”

Johan 8:48

Unre Jihudi mukhiạko do Jisuko metadea, “Ale do cetʼ ṭhik kathage bale meneda baṅma, am dom Samariạ kana ar amre do bhut menaea mente?”

Luk 15:2

Onate Phạrusiko ar sostor baḍaeko do noa menkate karacʼ kurujokʼko ehopʼena, “Nui hoṛ do kại hoṛko sãoteye gatekʼkana are jom ńũyeda.”

Luk 10:29

Uni dhorom guru do dhorome ṭarhaokʼa mente Jisui kulikedea, “Okoe kanae iń aḍepaseren hoṛ do?”

Romiko lạgitʼ Pạul Apostolakʼ ciṭhi 14:3

Jel jojom hoṛ do jel baṅ jojomicʼ hoṛ aloe nisṛạuema ar jel jojomicʼ hõ jel baṅ jojomicʼakʼ dos aloe sabtaema, ente Isor do unkin bana hoṛgeye ataṅ sãohã akatʼkinạ.