Luk 17:24 - Santali Common Language New Testament

²⁴ Bijli cetʼleka sermare mitʼ nakha khon eṭakʼ nakha hạbicʼ malkaokʼ, onkage Manwa Hopone hijukʼ dinre hõ hoyokʼa.

সান্তালী বাইবেল

²⁴ Bijli cetʼleka sermare mitʼ nakha khon eṭakʼ nakha hạbicʼ malkaokʼ, onkage Manwa Hopon reakʼ seṭerokʼ hõ hoyokʼa.

Luk 17:24 Referans Kwoze

Mathae 24:27

Cetʼleka bijli do purub khon oḍokokʼte pạchim hạbicʼ malkao calakʼ, onkage Manwa Hopon reakʼ seṭerokʼ hõ hoyokʼa.

Mathae 24:30

Unre Manwa Hopon reakʼ cinhạ do sermare ńelokʼa. Ar dhạrtiren sanam gusṭirenko dukte koṛamko ceṭagokʼa. Onko do Manwa Hopon daṛe ar ṭhonokante rimilte hijukʼkanko ńelea.

2 Patras 3:10

Menkhan Probhuakʼ din do kombṛo leka hijukʼa. Ona dinre serma do sãe sãe saḍete parom calakʼa ar siń cando, ńindạ cando, ipilko sanamge atarokʼa arko le cabakʼa. Dhạrti ar onare menakʼ sanamakʼge ḍahao maraokʼa.

Jakob 5:8

Ape hõ onkage sombhuripe ar ontorre teṅgo ṭak akae tahenpe, ente Probhu do ạḍi usạrageye hijukʼ kana.

2 Thessalonikiko 2:2

“Probhuakʼ din do seṭer akana,” Noate nạbi lekate roṛakatʼ johar kathate se eṭakʼ jãhãeakʼ kathate se aleakʼ olakʼ menkate jãhãn ciṭhi iạte ape do usạrate alope bilbilạukʼa se alope botorokʼa.

2 Thessalonikiko 2:8

Probhu Jisu do acʼakʼ moca reakʼ sãhetʼteye maraoe utạrea ar acʼakʼ ṭhonokteye sodorokʼte uniakʼ daṛeye cabaetaea.

Mathae 26:64

Jisu do uniye metadea, “Hẽ am do ṭhikgem menakada; enḍekhan arhõń metapekana, ńit khon Manwa Hopon do sanam daṛean Isorakʼ jojomsa aṛere duṛupʼakan ar rimilte hijukʼ kanpe ńelea.”

Mathae 25:31

“Manwa Hopon do acʼren serma goḍetko sãote acʼakʼ ṭhonokanteye hecʼlenre uni do ṭhonok reakʼ siṅghạsonreye duṛupʼa.

Mathae 5:15

Okoe hõ diuhe jeretʼkate khạclạkʼte do bako hạrupʼ esetʼkakʼa, bickom bạti dohowakʼ cetanregeko dohoea. Onate oṛakʼren sanam hoṛge marsalko ńama.

1 Korinthiko 1:8

Aboren Probhu Jisu Mạsige mucạtʼ hạbicʼe ṭarhao ocopea, onate uniakʼ hijukʼ dinre ape do sanam lekan bin dusạnkope hoyokʼa.