Luk 12:42 - Santali Common Language New Testament

⁴² Probhui menkeda, “Uni pạtiạricʼ ar budanicʼ kạmiyạ hoṛ doe okoe kana, one uniren kisạ̃ṛtetʼ do gutiko cetanre sordare dohoyete ṭhik oktere ser sidhạ emako lạgitʼ bhare emaekan?

সান্তালী বাইবেল

⁴² Probhui menkeda, “Uni pạtiạricʼ ar budanicʼ kạmiyạ hoṛ doe okoe kana, one uniren kisạ̃ṛtetʼ do gutiko cetanre sordare dohoyete ṭhik oktere ser sidhạ emako lạgitʼ bhare emaekan?

Luk 12:42 Referans Kwoze

Ibriko 13:17

Aperen ạyurkoakʼ katha bataope ar onko gobolre tahenpe, ente okoe Isor ṭhen lekha jokhako em, onkan hoṛ lekatege coṅ onko ma apeko ńel todarotetʼpe kan. Onko ṭhen gobolokʼpe jemon onko do akoakʼ kạmi rạskạ salakʼko kạmi daṛeakʼ, menkhan duk salakʼ do baṅ. Ar duk salakʼge ona onkae hoyokʼ khan, enḍekhan onate apeakʼ do cetʼ porho hõ baṅ hoyokʼtapea.

Ibriko 13:7

Okoe ape ṭhen Isorakʼ kathako lại jạhirletʼ tahẽkan, onko mukhiyạkoakʼ kathako disạipe. Onkoakʼ jion cạrit reakʼ mucạtʼ jo mońjte beṅgetʼakʼpe ar onko leka biswạs dohoepe.

2Timothi 4:2

Isorakʼ katha lại jạhirme; batarre ar bin batarre, am do jao okte lại jạhir lạgitʼ sapṛao akae tahenme; ạḍi sobori salakʼ cetʼakote hoṛkoakʼ dosko udukʼakome, onko sontorkom ar sopolha emakom.

1Timothi 5:17

Manḍerren maraṅ mukhiyạko okoe bes okocʼte manḍerko calaoetʼkan, ar okoe do Isorakʼ kathako porcaretʼkan ar lại cecetʼreko mehnotetʼkan, onko do dobṛa manot ocokʼ lek kanako.

1 Patras 4:10

Ar ạḍi lekate sodorokʼkan Isorakʼ daya ńamkate okoe hoṛ do pạtiạr salakʼ kạmire onae lagaoetʼkan, onkan hoṛ lekate ape do Isor ṭhen khon okalekan danpe ńamakatʼ ona baṛe ape apere sapʼ sopohotʼ lạgitʼ beoharpe.

Titus lạgitʼ Pạul Apostolakʼ ciṭhi 1:7

Isor ṭhen khon dạyike ńamakatʼ manḍer ạyuricʼ lekate nonka hoyokʼ jạruṛtaea jemon uni do okoe hõ aloko neṅghaoe. Uni do ḍiṭhạ̃uicʼ do alo, edre godokʼicʼ hõ alo, ńu bulokʼicʼ hõ alo, dalalicʼ hõ alo, lalocikʼ hõ aloe hoyokʼma.

Aposkạmi 20:28

Ape do apnar lạgitʼ sontor akae tahenpe, ar okoe sonot Jiu biswạsikoren horhoyicʼ lekate ape cetanreye emakan onko lạgitʼ hõ sontor akae tahenpe. Gupiyicʼ do cetʼleka acʼakʼ palren bhiḍikoe ńel todarotetʼko onkage ape hõ Isorakʼ manḍerko ńel todarotpe. Ente Isor do acʼakʼ mãyãmte onako manḍerre kirińakada.

Mathae 20:8

“Ado ạyupʼen khan darkha bagwanren mạlik do acʼren gutiye metadea, ‘kạmiạko hoho ạgukom ar tayomtenko khon ehopʼkate lahatenko hạbicʼ mimitʼ mimitʼte kuṛại emakom.’

Ibriko 3:5

Sạrige Mose do Isorakʼ gharońjren sapʼdapʼicʼ lekate pạtiạricʼe tahẽkana, jemon uni do darakan dinkore okaṭakʼ roṛogokʼ ona reaṅ gohae emdaṛeakʼ.

Luk 7:13

Probhu do uni rạnḍi maejiu ńelte mãyã hecʼadeteye metadea, “Alom raga.”

Mathae 13:52

Unre Jisui metatʼkoa, “Serma raj reaṅko cetʼakawan mitʼke mitʼ sostor baḍaeko do mitʼṭen oṛakʼ kisạ̃ṛ lekan kanako one okoe do acʼakʼ gola khon nawanakʼ ar mareakʼkoe oḍokketʼ.”

Luk 7:19

Unre Johan do acʼren barea cela hohoatʼkinte Jisu ṭhen noa katha kuliye lạgitʼe kolketʼkina, “Okoeakʼ hijukʼ reakʼ katha menakʼtae uni dom am kangea, se eṭagicʼ lạgitʼle koyokʼ hora?”

Luk 12:43

Bhạgangeae uni guti, one okoe do kisạ̃ṛtae pạtiạu salakʼ kạmireye hecʼńame.