Luk 11:26 - Santali Common Language New Testament

²⁶ Unre uni do senkate acʼ khon artetʼ bạṛicʼ eṭakʼ eae goṭen jiue soṅge darajoṅa ar onḍeye girobasokʼa. Onate uni hoṛakʼ dosa do pạhilakʼ khon artetʼ bạṛicʼ hoyokʼtaea.”

সান্তালী বাইবেল

²⁶ Unre uni do senkate acʼ khon artetʼ bạṛicʼ eṭakʼ eae goṭecʼ jiue soṅge darajoṅa ar onḍeye girobasokʼa. Onate uni hoṛakʼ dosa do pạhilakʼ khon artetʼ bạṛicʼ hoyokʼtaea.”

Luk 11:26 Referans Kwoze

Johan 5:14

Ona tayom Jisu do mundilre uni hoṛ ńel ńamkedeteye metadea, “Ńelme, am dom boge akana. Ar alom kạiya, jemon jãhãnakʼ bạṛicʼ alo hoyokʼtam.”

Mathae 12:45

Tayomte uni bạṛicʼ jiu do senkate acʼ khon artetʼ bạṛicʼ eae goṭen eṭakʼ jiue soṅge darajoṅa ar onḍe bolokateko mạnḍiạukʼa. Onate uni hoṛakʼ dosa do pạhil khon artetʼ bạṛicʼ hoyokʼtaea. Noa bạṛicʼ piṛhiren hoṛkoakʼ dosa hõ onkage hoyokʼtakoa.”

1 Johan 5:16

Jãhãege acʼren boeha nonka kạkạikane ńel lekhan one okaṭakʼ do gujukʼ senakʼ baṅkan, enḍekhan uni do Isor ṭhene koejoṅma ar onate uni do jiwetʼe dohoyea. Iń do nonḍe onkoakʼ kathageń roṛeda one okoe doko kạiyetʼkan, menkhan onkoakʼ kại do gujukʼ senakʼ do baṅkan. Menkhan gujukʼ senakʼ kại hõ menakʼgea. Ona reaṅ nehõrape reakʼ katha do bạń metapekana.

Mathae 23:15

“Hae, ape sostor baḍaeko, Phạrusiko ar phạsiạrako do! Eken mitʼ hoṛ apeakʼ dhoromre ạguye lạgitʼ dhạrti reakʼ oka jaegare bape dãṛãn kana. Ar aperen celae hoelenre uni do ape khon hõ bạ̃ṛti norokre khadlekʼ lekpe hoeocoyede kana.

Luk 11:25

Ar ruạṛ hecʼkate uni do ona oṛakʼ sapha ar sajao akatʼe ńama.

Luk 11:27

Ado Jisu kathae roroṛkan tahẽkanrege gadel hoṛko modren mitʼṭen maejiu do hohoateye menkeda, “Bhạgangeae uni maejiu, one okoe do kukhireye doholetʼme ar toae nunuatʼme tahekan.”