Luk 10:17 - Santali Common Language New Testament

¹⁷ Ado onko eae gel cela rạskạte ruạṛ hecʼkateko metadea, “E Probhu, amakʼ ńutumle ńumetʼ khange bhutko hõ aleakʼ kathako ańjometʼ kana.”

সান্তালী বাইবেল

¹⁷ Ado onko eaegel celako do rạskạte ruạṛ hecʼkateko metadea, “E Probhu Isor, amakʼ ńutumle ńumetʼ khange bhutko hõ aleakʼ kathako ańjometʼ kana.”

Luk 10:17 Referans Kwoze

Romiko lạgitʼ Pạul Apostolakʼ ciṭhi 16:20

Sulukren Isor do ạḍi usạrage apeakʼ jaṅga latarre Soetane lebetʼ gańjaoea. Aboren Probhu Jisuakʼ daya do ape cetanre tahenma.

Mark 16:17

Okoeko pạtiạukʼ onkore do noako cinhạ ńelogokʼa, onko do iń ńutumte bạṛicʼ jiukoko oḍok giḍikoa, ar nawa nawa pạrsite kathako roṛa,

Luk 9:1

Niạ tayom Jisu do gelbar celako mitʼ ṭhene hoho jarwaketʼkoa ar sanam bhutko cetanre ektiạriye ematʼkoa. Ar rugiko bogeko reakʼ daṛe hõe danatʼkoa.

Luk 10:1

Ona tayom Probhu Jisu do arhõ eae gel celako porcar kạmi kolko lạgitʼe bachaoketʼkoa. Ar acʼ do okako ato ar jaegakote calakʼ lạgitʼe goṭa akatʼ tahẽkan, onako jaega calakʼ lahare uni do babar hoṛkateye kolkatʼkoa.

Luk 10:9

Ar ona atoren ruạkʼ hasokʼkan hoṛko bogekope ar lạiakope, ‘Isorakʼ raj do ape ṭhen sorakana.’

Mathae 4:24

Uniakʼ katha do Siriạ disạm reakʼ sanam jaegakore pasnao idiyena. Ar hoṛko do ạḍi lekan rog bighinte sasetokʼkanko, bhut capaṛ akatʼko, mirgi ar mitʼ kaṛ gocʼ rogteko jạbun akanko Jisu ṭhenko ạguketʼkoa. Ar uni do onko sanamkoe bogeketʼkoa.

Luk 10:20

Menkhan bhutko apeakʼ kathako ańjometʼkante alope rạskạkʼa, bickom sermare apeakʼ ńutum ol caṛhao akan iạte hulạsokʼpe.”

Ephesiko lạgitʼ Pạul Apostolakʼ ciṭhi 5:24

Cetʼleka manḍer do Mạsiakʼ tabere menakʼa onkage maejiuko hõ jotowakʼre apan ạpin herel tabere tahen lek kanako.