Luk 1:76 - Santali Common Language New Testament

⁷⁶ E bachatiń, am do coṭ utạricʼ Isorren nạbim ńumogokʼa, ente am do uniakʼ hor tear lạgitʼ uni laha lahatem calakʼa.

সান্তালী বাইবেল

⁷⁶ E bachatiń, am do coṭ utạricʼ Isorren nạbiyem ńumogokʼa, ente am do uniyakʼ hor tear lạgitʼ uni laha lahatem calakʼa.

Luk 1:76 Referans Kwoze

Johan 1:23

Johane menkeda, “Ińge ona hohokạnicʼ reakʼ aṛaṅ do, one okoe reaṅ Jesaea nạbiye menakatʼ, Hahaṅkarre mitʼṭen hohokạnicʼ reakʼ aṛaṅe baḍae ocokʼkana, Probhuakʼ hor sojhekataepe.”

Mathae 14:5

Herod do Johan gojeye menjoṅkan tahẽkana, menkhan uni do hoṛkoe botoratʼkoa, ente Johan do mitʼṭen nạbi menteko manaoede tahẽkana.

Mathae 3:3

Nui Johan reaṅge Jesaea nạbi doe roṛletʼa; enkathae, “hahaṅkarre mitʼṭen hohokạnicʼ reakʼ aṛaṅ, ‘Probhuakʼ hor tearkataepe uniakʼ konḍea horko sojhe kataepe.’ ”

Aposkạmi 16:17

Uni kạ̃ṛmĩ do Pạul ar ale tayom tayomte hijukʼte hohoateye menetʼ tahẽkana, “Nukin hoṛ do maraṅ Isorren guti kanakin. Ar cetʼlekate kại khon bańcao ńamokʼa onagekin lạiape kana.”

Luk 1:35

Serma goḍete menkeda, “Sonot Jiu do am cetanreye hijukʼa ar maraṅ Isorakʼ daṛegeye umulkama. Noa iạte okoeṭakʼ sonot Hopone janamokʼ uni do Isorren Hopone ńumogokʼa.

Luk 1:32

Uni do maraṅe hoyokʼa. Ar maraṅ Isorren Hopone ńumogokʼa. Probhu Isor do uniren hapṛam Dạudakʼ siṅghạsone emaea.

Mark 11:32

Arhõ bon men lekhan, ‘manwa secʼ khon,’ enḍekhan?” Onko do hoṛkoko botorakokan tahẽkana, ente sanamkoge Johan do mitʼṭen nạbi menteko manaoede tahẽkana.

Johan 3:28

Apege roroṛpe ańjomakadiń je, Mạsi doń baṅkana, menkhan uni lahateń kol ocoakana.

Johan 1:27

Unikangea uni hoṛ do, one okoe iń tayomte hijukʼ reakʼ katha tahẽkantae. Iń do uniakʼ panahe reakʼ phitạ raṛaetae lekgeń baṅkana.”

Luk 6:35

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

Mathae 21:26

Ar bon menle khan ‘manwa secʼ khon,’ enḍekhan ma gadel hoṛ bon botorakokan, ente sanamkoge Johan do mitʼṭen nạbi menteko manaoedea.”

Mathae 3:11

Monpe ạcurakatʼte dakʼteń bạptisetʼpea, menkhan iń tayomte okoeye daraekan uni do iń khone daṛegea. Iń do uniakʼ panahi teweńtae lek hõń baṅkana. Uni do sonot Jiu ar seṅgelteye bạptispea.