Luk 1:17 - Santali Common Language New Testament

¹⁷ Uni do Eliạ nạbi reakʼ Jiu ar daṛete Probhu lahateye hijukʼa. Ar apatkoakʼ mon hoponko secʼe ruạṛtakoa ar bebatao hoṛkoakʼ mon reakʼ buje pheraotakote Isor sewa hoṛkoakʼ buj lekae hoe ocoetakoa. Nonkate uni do Probhu lạgitʼ mitʼṭen sapṛao akan jạte tearkoa.”

সান্তালী বাইবেল

¹⁷ Uni do Eliạ nạbi reakʼ Jiu ar daṛete Probhu Isor laha lahateye hijukʼa. Ar apatkoakʼ mon hoponko secʼe ruạṛtakoa ar bebatao hoṛkoakʼ mon reakʼ buje pheraotakote Isor sewa hoṛkoakʼ buj lekae hoy ocoytakoa. Nonkate uni do Probhu Isor lạgitʼ mitʼṭecʼ sapṛao akan jạtrenkoe tearkoa.”

Luk 1:17 Referans Kwoze

Mathae 11:14

Noa kathape pạtiạuakʼkan khan enḍekhan ańjompe okoeakʼ hijukʼ reakʼ katha tahẽkan uni Eliạ doe nui Johan kangea.

Luk 1:76

E bachatiń, am do coṭ utạricʼ Isorren nạbim ńumogokʼa, ente am do uniakʼ hor tear lạgitʼ uni laha lahatem calakʼa.

Johan 3:28

Apege roroṛpe ańjomakadiń je, Mạsi doń baṅkana, menkhan uni lahateń kol ocoakana.

Johan sodor 20:4

Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạt kanape ar uniren hoṛpe hoeakana,” Ńut khon acʼakʼ hahaṛa marsalte okoeye hoho ạguketʼpe unige jemonpe sarhao sereńae.

2Timothi 2:21

Okoe do noako nicạṛ kạmiyakʼ bhajan leka kanko, onko khon pharakokʼte jãhãe apnare saphakʼ enḍekhan uni do nonkanakʼ bhajan lekae hoyokʼa okaṭakʼ do manot lạgitʼ beoharokʼkan. Sonot lạgitʼge uni doe bachao doho ocokʼa, uni do Probhuakʼ kạmireye lagaokʼa ar sanam lekan bhage kạmi lạgitʼ tear akane tahena.

Romiko lạgitʼ Pạul Apostolakʼ ciṭhi 9:23

Arhõ uni do acʼakʼ bin mucạtʼ ṭhonok reakʼ katha hõ baḍae ocokoe menletʼ tahẽkana. Okoe uniakʼ dayako ńamakatʼ onko do laha khongeye tear akatʼko tahẽkana acʼakʼ ṭhonok ńam lạgitʼ.

Aposkạmi 10:33

Onate iń do am hoho ạgume lạgitʼ unrege hoṛiń kolketʼkoa, ar amem hecʼente dom bhageakatʼgea. Nonḍe ale do ńitokʼ sanamkoge Isor samaṅre menakʼlea. Ar Probhu okaṭakʼ ale ṭhen galmarao lạgitʼe hukum akatʼme ona jotowakʼgele ańjoma.”

Johan 1:34

Iń do onań ńelakada ar gohań emetʼkana nui kangeae Isorren Hopon.”

Johan 1:13

Noko hoṛkoakʼ janam do mãyãm khonakʼ do baṅ hoeakana, ar jel reakʼ sana se herel hoṛakʼ sana khon hõ baṅ, bickom Isor khonge hoeakana.

Luk 1:16

Israelko modren ḍherkoge akoren Probhu Isor secʼe ruạṛ ạgukoa.

Mathae 14:4

Ente Johan doe metade tahẽkana, “Herodiạ bạhu mentem dohoye do baṅ ganokʼtama.”

1 Johan 2:28

E gidrạko, onateń metapekana, ape do Mạsirege tahenpe jemon uniye sodorokʼre dil akae bon tahen are hijukʼre uni samaṅre lajaore alo bon paṛaokʼ.

Mathae 3:4

Johan do ũṭ upʼ reakʼ aṅgrop ar ḍanḍare harta reakʼ paṭheakʼ tahẽkantaea. Uni do pohoko ar bir dumur rasae jometʼkan tahẽkana.

Mathae 3:3

Nui Johan reaṅge Jesaea nạbi doe roṛletʼa; enkathae, “hahaṅkarre mitʼṭen hohokạnicʼ reakʼ aṛaṅ, ‘Probhuakʼ hor tearkataepe uniakʼ konḍea horko sojhe kataepe.’ ”